കുവൈത്തിൽ 45 ഇന്ത്യക്കാർ ഉൾപ്പെടെ 80 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 45 ഇന്ത്യക്കാർ ഉൾപ്പെടെ 80 പേർക്ക്​ കൂടി കോവിഡ്​ സ്ഥിരീകരിച്ചു. ബ്രിട്ടനിൽനിന്നെത ്തിയ കുവൈത്തിക്കും നേരത്തെ സ്ഥിരീകരിച്ചവരിൽനിന്ന്​ പകർന്ന 71 പേർക്കും ഏതുവഴിയാണ്​ പകർന്നതെന്ന്​ കണ്ടെത്തിയി ട്ടില്ലാത്ത എട്ടുപേർക്കുമാണ്​ ഞായറാഴ്​ച വൈറസ്​ ബാധ സ്ഥിരീകരിച്ചത്​.

മൂന്ന്​ കു​വൈത്തികൾ, മൂന്ന് ഇന്ത്യക്കാർ, രണ്ട്​ ഇൗജിപ്​തുകാർ എന്നിവർക്കാണ്​ ഏതുവഴിയാണ്​ വൈറസ്​ ബാധിച്ചതെന്ന്​ കണ്ടെത്താനുള്ളത്​.

42 ഇന്ത്യക്കാർ, രണ്ട്​ കുവൈത്തികൾ, ഒമ്പത്​ ബംഗ്ലാദേശികൾ, ആറ്​ ഇറാൻ പൗരന്മാർ, നാല്​ ഇൗജിപ്​തുകാർ, രണ്ട്​ നേപ്പാൾ പൗരന്മാർ, രണ്ട്​ പാകിസ്ഥാനികൾ, രണ്ട്​ ഫിലിപ്പീൻസുകാർ, ഒരു സിറിയക്കാരൻ, ​ഒരു പോർച്ചുഗീസ്​ പൗരൻ എന്നിവർക്കാണ്​ നേരത്തെ സ്ഥിരീകരിച്ചവരിൽനിന്ന്​ പകർന്നത്​.

ഇതോടെ രാജ്യത്ത്​ കോവിഡ്​ സ്ഥിരീകരിച്ചവർ 1234 ആയി. പുതുതായി ഒമ്പത്​ പേർ ഉൾപ്പെടെ 142 പേർ രോഗമുക്​തി നേടി. ഒരാളാണ്​ മരിച്ചത്​. ബാക്കി 1091 പേർ ചികിത്സയിലുണ്ട്​​. ഇതിൽ 29 പേർ തീവ്രപരിചരണ വിഭാഗത്തിലാണ്​.