പ്രതിരോധ കുത്തിവെപ്പ്​ @ 80 %

ദോഹ: സമ്പൂർണ കോവിഡ്​ പ്രതിരോധ കുത്തിവെപ്പ്​ എന്ന ലക്ഷ്യത്തിലേക്ക്​ ഖത്തറി​െൻറ കുതിപ്പിന്​ വേഗമേറുന്നു. ആകെ ജനസംഖ്യയുടെ 80 ശതമാനം പേർ ഇതിനകം രണ്ട്​ ഡോസ്​ വാക്​സിനും സ്വീകരിച്ച്​ കോവിഡിനെതിരെ പ്രതിരോധശേഷി ആർജിച്ചതായി ആരോഗ്യമന്ത്രാലയം അറിയിച്ചു. കഴിഞ്ഞ ഡിസംബറിൽ തുടങ്ങിയ വാക്​സിനേഷൻ യത്​നമാണ്​ 10 മാസം തികയും മു​േമ്പ ലക്ഷ്യത്തിലേക്ക്​ മുന്നേറുന്നത്​. ഇതിനകം 46.53 ലക്ഷം ഡോസ്​ വാക്​സിനുകൾ രാജ്യത്ത്​ ആകെ വിതരണം ചെയ്​തുകഴിഞ്ഞു. 2020 ഡിസംബർ 23നായിരുന്നു ഖത്തറിൽ ആദ്യമായി വാക്​സിൻ നൽകിയത്​. ഫൈസർ, മൊഡേണ വാക്​സിനുകൾ ആദ്യഘട്ടത്തിൽ മുതിർന്നവരും ആരോഗ്യപ്രവർത്തകരും ഉൾപ്പെടെയുള്ള ഹൈറിസ്​ക്​​ വിഭാഗങ്ങൾക്കും ശേഷം എല്ലാവർക്കുമായി വിതരണം ആരംഭിക്കുകയായിരുന്നു. നിലവിൽ 12 വയസ്സിന്​ മുകളിലുള്ള എല്ലാർക്കും വാക്​സിനേഷൻ നൽകുന്നുണ്ട്​.

12നും 15നുമിടയിൽ പ്രായമുള്ള കുട്ടികൾക്ക്​ മേയ്​ 16 മുതലാണ്​ കുത്തിവെപ്പ്​ ആരംഭിച്ചത്​. ഫൈസർ വാക്​സിനാണ്​ കുട്ടികൾക്ക്​ നൽകുന്നത്​. സ്​കൂൾ അധ്യയനം ആരംഭിച്ചതോടെ, കുട്ടികളിലെ വാക്​സിനേഷനും അതിവേഗത്തിലായി. ഇതിനകം 22 ലക്ഷത്തിലേറെ പേർ വാക്​സിൻ സ്വീകരിച്ചുകഴിഞ്ഞു. സെപ്​റ്റംബർ 15 മുതൽ ബൂസ്​റ്റർ ഡോസ്​ കൂടി നൽകിയാണ്​ ഖത്തർ കോവിഡിനെതിരായ പോരാട്ടത്തിൽ ബഹുദൂരം മുന്നിലെത്തിയത്​. 65 വയസ്സ്​ പിന്നിട്ടവർ, ​മാറാരോഗം കാരണം പ്രതിരോധശേഷി കുറഞ്ഞവർ, ആരോഗ്യ പ്രവർത്തകർ തുടങ്ങി ഹൈറിസ്​ക്​ വിഭാഗങ്ങൾക്കാണ് പ്രാഥമിക ഘട്ടത്തിൽ ബൂസ്​റ്റർ ഡോസ്​ നൽകിത്തുടങ്ങുന്നത്​. രണ്ടാം ഡോസ്​ സ്വീകരിച്ച്​ എട്ടു മാസം തികഞ്ഞവർ, 12 മാസം പൂർത്തിയാവും മു​േമ്പ ബൂസ്​റ്റർ ഡോസ്​ എടുക്കണമെന്നാണ്​ നിർദേശം. ഘട്ടംഘട്ടമായി മറ്റുള്ളവർക്കും ബൂസ്​റ്റർ ഡോസ്​ നൽകിത്തുടങ്ങും. കഴിഞ്ഞ ദിവസങ്ങളിൽ ​കോവിഡ്​ കേസുകളുടെ എണ്ണം നൂറിനും താഴെ റിപ്പോർട്ട്​ ചെയ്യപ്പെടുന്നത്​ ആരോഗ്യമേഖലക്കും ആശ്വാസമായി. രണ്ടു മാസം മുമ്പ്​ ഒരുഘട്ടത്തിൽ 300ന്​ അടുത്തുവരെ പ്രതിദിന രോഗികളുടെ എണ്ണം എത്തിയിരുന്നു. ഇതേ തുടർന്ന്​ ആഗസ്​റ്റിൽ നടപ്പാക്കേണ്ടിയിരുന്ന നാലാം ഘട്ട ലഘൂകരണവും ദീർഘിപ്പിക്കാൻ നിർബന്ധിതരായി. രോഗികളുടെ എണ്ണം കുറഞ്ഞതും വാക്​സിനേഷൻ വിജയകരമായി ലക്ഷ്യത്തിലേക്ക്​ നീങ്ങുന്നതും നിയന്ത്രണങ്ങൾ കൂടുതൽ ലഘൂകരിക്കാൻ അധികൃതർക്ക്​ പ്രേരണയാകും.

അതേസമയം, കോവിഡിനെതിരെ ജാഗ്രത കുറയരുതെന്ന്​ ​ആരോഗ്യമന്ത്രാലയം ആവർത്തിച്ച്​ മുന്നറിയിപ്പ്​ നൽകുന്നു. 'ഇപ്പോഴും കോവിഡ്​ ഭീഷണി തന്നെയാണ്​. മുൻകരുതലുകളുമായി വൈറസ്​ വ്യാപനം തടയൽ എല്ലാവരുടെയും ഉത്തരവാദിത്തമാണ്​.സാമൂഹിക അകലം പാലിക്കുക, ആൾക്കൂട്ടങ്ങൾ ഒഴിവാക്കുക, മാസ്​ക്​ അണിഞ്ഞും വ്യക്​തി ശുചിത്വം പാലിച്ചും കോവിഡിനെ അകറ്റുക' -മന്ത്രാലയത്തി​െൻറ കുറിപ്പിൽ വ്യക്​തമാക്കി.