കുവൈത്തിൽ 125 ഇന്ത്യക്കാരടക്കം 284 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 125 ഇന്ത്യക്കാരടക്കം 284 പേർക്ക്​ കൂടി കോവിഡ്​ സ്ഥിരീകരിച്ചു. ബുധനാഴ്​ച രണ്ട്​ മലയാ ളികൾ മരിച്ചത്​ കോവിഡ്​ മൂലമെന്ന്​ ആരോഗ്യ മന്ത്രാലയം സ്ഥിരീകരിച്ചു. ഇതോടെ കോവിഡ്​ മരണം 26 ആയി.

ഇതുവരെ 4024 പേർക്കാണ്​ രാജ്യത്ത്​ കൊറോണ വൈറസ്​ ബാധിച്ചത്​. 1539 പേർ രോഗമുക്​തരായി. ബാക്കി 2459 പേർ ചികിത്സയിലാണ്​. 66 പേർ തീവ്രപരിചരണ വിഭാഗത്തിലുള്ളതിൽ 30​ പേരുടെ നില ഗുരുതരമാണ്​.

പുതിയ കോവിഡ്​ ബാധിതരിൽ നാലുപേർ വിദേശത്തുനിന്ന്​ വന്നവരും 276 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്​. നാല്​ കുവൈത്തികൾക്ക്​ ഏതുവഴിയാണ്​ വൈറസ്​ ബാധിച്ചതെന്ന്​ കണ്ടെത്തിയിട്ടില്ല.