കുടുംബസംഗമങ്ങൾക്കും സൽക്കാരങ്ങൾക്കും വിലക്ക്​

കുവൈത്ത് സിറ്റി: കോവിഡ് -19 പ്രതിരോധിക്കുന്നതി​​െൻറ ഭാഗമായി രാജ്യത്ത്​ വിവാഹം‍, സല്‍ക്കാരങ്ങള്‍, കുടുംബസംഗമങ് ങള്‍ തുടങ്ങിയ സാമൂഹിക കൂടിച്ചേരലുകള്‍ക്ക്​ വിലക്ക്​. ആരോഗ്യമന്ത്രി ഡോ. ബാസില്‍ അസ്സബാഹ് ആണ്​ ഉത്തരവ് പുറപ്പെ ടുവിച്ചത്​. പൊതു, സ്വകാര്യ ഹാളുകളിലുള്ള ഒരുമിച്ചുകൂടലുകൾക്ക്​ വിലക്ക്​ ബാധകമാണ്​. കൂട്ടമായി ഒത്തുചേരുന്ന പരിപാടികളും ചടങ്ങുകളും ഒഴിവാക്കണമെന്ന്​ കുവൈത്ത്​ മന്ത്രിസഭ ആഹ്വാനം

ചെയ്​തിരുന്നു. ഇത്​ പരിഗണിക്കാതെ പല സ്വദേശി കുടുംബങ്ങളിലും സൽക്കാരങ്ങളും ഒത്തുകൂടലും നടക്കുന്ന സാഹചര്യത്തിലാണ്​ ഇത്​ പൂർണമായും വിലക്കിയത്​. ഒഴിവാക്കാനാവാത്ത ഒത്തുചേരലുകളിൽ കൃത്യമായ അകലം പാലിക്കുകയും മാസ്​കും സാനിറ്റൈസറും ​​പോലെയുള്ള പ്രതിരോധ സംവിധാനങ്ങൾ ഉപയോഗിക്കുകയും വേണമെന്നാണ്​ നേരത്തെ മന്ത്രിസഭ നിർദേശിച്ചതെങ്കിൽ ഇനി ഒരറിയിപ്പുണ്ടാവുന്നത്​ വരെ സൽക്കാരങ്ങളും കുടുംബ സംഗമങ്ങളും നടത്താനേ പാടില്ലെന്നാണ്​ പുതിയ ഉത്തരവ്.