കോവിഡിനെതിരെ ബോധവത്​കരണ വിഡിയോയുമായി മലയാളി സുഹൃത്തുക്കൾ

കുവൈത്ത്​ സിറ്റി: കോവിഡ്​ 19 ലോകമാകെ ഭീതി പരത്തു​േമ്പാൾ ബോധവത്​കരണ വിഡിയോ പുറത്തിറക്കി കുവൈത്തിലെ മലയാളി സുഹൃത്തുക്കൾ. ‘റെഡ്​ അലർട്ട്​’ എന്ന പേരിലുള്ള ആറ്​ മിനിറ്റ്​ ദൈർഘ്യമുള്ള വിഡിയോക്ക്​ തിരക്കഥയെഴുതി സംവിധാന ം ചെയ്​തത്​ നിഷാദ്​ കാട്ടൂർ ആണ്​. എഡിറ്റിങ്​ നിർവഹിച്ചതും അദ്ദേഹം തന്നെ. അഞ്​ജു പുതുശ്ശേരി നിർമിച്ച വിഡിയോ ചിത്രീകരിച്ചത്​ കുവൈത്തിൽ തന്നെയാണ്​.

സാമൂഹിക അകലം പാലിക്കേണ്ടതി​​െൻറയും സഹജീവി സ്​നേഹവും കരുതലും പുലർത്തേണ്ടതി​​െൻറയും ആവശ്യകത ഉണർത്തുന്ന ചിത്രത്തിൽ അരങ്ങിലും അണിയറയിലും പ്രവർത്തിച്ചത്​ കുവൈത്തിലെ പ്രവാസി മലയാളികൾ തന്നെ. ഇൗ പ്രതിസന്ധികാലത്തെ അതിജയിക്കാർ മാർഗനിർദേശങ്ങൾ അനുസരിച്ച്​ സർക്കാറിനോടൊപ്പം നിൽക്കേണ്ടത്​
നമ്മുടെ ബാധ്യതയാണെന്നും അത്​ നമ്മുടെ തന്നെ സുരക്ഷക്കാണെന്നും ചിത്രം വിളിച്ചുപറയുന്നു. യുദ്ധം അതിജയിച്ച ഇൗ നാടിന്​ ജനങ്ങളുടെ പ്രാർഥനയും
പിന്തുണയുമുണ്ടെങ്കിൽ കോവിഡ്​ പ്രതിസന്ധിയെയും അതിജയിക്കാൻ കഴിയുമെന്ന്​ ആത്​മവിശ്വാസം പകരാൻ ‘റെഡ്​ അലർട്ട്​’ ശ്രമിക്കുന്നു.

ഡോ. അബ്രഹാം തോമസ് തയാറാക്കിയ ഇംഗ്ലീഷിലുള്ള സംഭാഷണങ്ങൾക്ക്​ അറബിക്​ സബ്​ ടൈറ്റിൽ ഒരുക്കിയത്​ ഹുസൈൻ. ജിനു വൈക്കത്ത്​, ബിൻസ്​ അടൂർ, ഡോ. അബ്രഹാം തോമസ്​, ഹബീബുല്ല മുറ്റിച്ചൂർ, ടി.പി. ശരത്​, കിഷോർ എസ്​. ചൂരനൊളി, ഷാനവാസ്​, ജൈസൺ അഗസ്​റ്റിൻ, മഞ്​ജുമിത്ര ശരത്​, സിത്താര എസ്​. ചൂരനൊളി, രമ്യ ജൈസൺ, റയാൻ ബിൻസ്​, സാന്ദ്ര ജൈസൺ, എഡിൻ ​ജൈസൺ തുടങ്ങിയവർ വേഷമിട്ടു. മേക്കപ്പ്​: പ്രവീൺ കൃഷ്​ണ. മിക്​സിങ്​: ടോണി ജോൺസ്​ ജോസഫ്​.
കാമറ: സിജോ അബ്രഹാം.