കുവൈത്തിൽ തടവുകാരെ കൂട്ടത്തോടെ വിട്ടയക്കും

കുവൈത്ത്​ സിറ്റി: കുവൈത്ത്​ ​സെൻട്രൽ ജയിലിൽ കഴിയുന്ന നൂറുകണക്കിന്​ തടവുകാരെ ഈയാഴ്​ച വിട്ടയക്കാൻ ഒരുങ്ങുന്ന തായി റിപ്പോർട്ട്​. നേരത്തെ വിട്ടയക്കാൻ തീരുമാനിച്ചവരും പ്രോസിക്യൂഷ​ൻെറ അനുമതി ലഭിക്കുന്ന ഗുരുതര കുറ്റകൃത ്യം ചെയ്യാത്ത മറ്റുള്ളവരും ഇതിൽ ഉൾപ്പെടും. ചിലരെ നിബന്ധനകൾക്ക്​ വിധേയമായും വിട്ടയക്കാൻ നീക്കമുണ്ട്​.

ഒ രാഴ്​ചക്കകം തടവുകാരുടെ മോചനം ഉണ്ടാവുമെന്നാണ്​ സൂചന. അതിനിടെ നൂറുകണക്കിന്​ വിദേശി തടവുകാരെ നാടുകടത്താനും അധികൃതർ നീക്കം ആരംഭിച്ചു. താമസ നിയമലംഘകരായ ഏതാനും തടവുകാരെ വെള്ളിയാഴ്​ച കുവൈത്ത്​ വിമാനത്താവളം അടക്കുന്നതിന്​ മുമ്പ്​ ത്വരിതഗതിയിൽ നാട്ടിലയച്ചിരുന്നു. 350 തടവുകാരെ കൂടി ഇൗ ആഴ്​ച നാടുകടത്തിയേക്കും.

ഇതുകൂടാതെ 450 തടവുകാരെ കയറ്റി അയക്കാൻ താമസകാര്യ വകുപ്പ്​ പ്രാഥമിക നടപടികൾ ആരംഭിച്ചു. തടവുകാരുടെ രാജ്യത്തി​​െൻറ എംബസിയുമായി സഹകരിച്ച്​ പ്രത്യേക വിമാനത്തിൽ ഇവരെ നാട്ടിലയക്കാനാണ്​ നീക്കം. തടവുകാർക്ക്​ ആർക്കും ഇതുവരെ കോവിഡ്​ 19 ബാധിച്ചിട്ടില്ലെന്നും എല്ലാ ആരോഗ്യ മുൻകരുതലുകളും സ്വീകരിച്ചിട്ടുണ്ടെന്നും സുരക്ഷാ വൃത്തങ്ങൾ അറിയിച്ചു. പുതിയ തടവുകാരെ നിലവിലുള്ളവരുമായി ഇടകലർത്തുന്നില്ല.

അവരെ പ്രത്യേകം പാർപ്പിക്കുകയാണ്​. നിശ്ചിത ഇടവേളകളിൽ ആരോഗ്യ പരിശോധനകൾ നടത്തുന്നുണ്ട്​. ജയിലിൽനിന്ന്​ നാടുകടത്തൽ കേന്ദ്രത്തിലേക്ക്​ മാറ്റുന്ന ഘട്ടത്തിലും ആരോഗ്യ മുൻകരുതലുകൾ സ്വീകരിക്കുന്നുണ്ടെന്ന്​ അധികൃതർ വ്യക്​തമാക്കി. കുവൈത്തിലെ ജയിൽ നിറഞ്ഞ്​ അന്തേവാസികളെ പാർപ്പിക്കാൻ പ്രയാസപ്പെടുന്ന അവസ്ഥയുണ്ട്​. സെൻട്രൽ ജയിലിൽ 2327 തടവുകാരെ പാർപ്പിക്കാനാണ്​ സൗകര്യമുള്ളത്​. മൂവായിരത്തിലേറെ പേർ ഇപ്പോൾ ഉണ്ട്​.