കുവൈത്തിൽ 278 പേർക്ക്​ കൂടി കോവിഡ്​; നാലുമരണം

കുവൈത്ത്​ സിറ്റി: കുവൈത്തിൽ ഒരു ഇന്ത്യക്കാരൻ ഉൾപ്പെടെ നാലുപേർ കൂടി കോവിഡ്​ ബാധിച്ച്​ മരിച്ചു. 74കാരനായ കുവൈത ്തി, 59 വയസ്സുള്ള ഇന്ത്യക്കാരൻ, 64കാരനായ ബംഗ്ലാദേശി, 45കാരനായ ഇൗജിപ്​ത്​ പൗരൻ എന്നിവരാണ്​ മരിച്ചത്​. ഇതോടെ കുവൈത് തിലെ കോവിഡ്​ മരണം 19 ആയി. 109 ഇന്ത്യക്കാർ ഉൾപ്പെടെ 278 പേർക്ക്​ കൂടി ശനിയാഴ്​ച കോവിഡ്​ സ്ഥിരീകരിച്ചു. ഇതോടെ രാജ്യത്ത്​ കോവിഡ്​ സ്ഥിരീകരിച്ചവർ 2892 ആയി.

ശനിയാഴ്​ച 43 പേർ ഉൾപ്പെടെ 656 പേർ ​രോഗമുക്​തി നേടി. ബാക്കി 2217 പേർ ചികിത്സയിലാണ്​. 58 പേർ തീവ്രപരിചരണ വിഭാഗത്തിലുണ്ട്​. ഇതിൽ 25 പേരുടെ നില ഗുരുതരമാണ്​.ബ്രിട്ടനിൽനിന്ന്​ വന്ന പത്ത്​ കുവൈത്തികൾ, ഫ്രാൻസിൽനിന്ന്​ വന്ന മൂന്ന്​ കുവൈത്തികൾ എന്നിവർക്ക്​ വൈറസ്​ സ്ഥിരീകരിച്ചു.

109 ഇന്ത്യക്കാർ, 13 കുവൈത്തികൾ, 31 ബംഗ്ലാദേശികൾ, 51 ഇൗജിപ്​തുകാർ, 11 ബിദൂനികൾ, ഒമ്പത്​ ഫിലിപ്പീൻസ്​ പൗരന്മാർ, ആറ്​ നേപ്പാൾ പൗരന്മാർ, ആറ്​ പാകിസ്ഥാനികൾ, അഞ്ച്​ സിറിയക്കാർ, മൂന്ന്​ ഇറാൻ പൗരന്മാർ, ​ശ്രീലങ്ക, ലബനാൻ, ജോർഡൻ എന്നിവിടങ്ങളിൽനിന്നുള്ള രണ്ടുപേർ വീതം, റഷ്യ, ഇറാഖ്​ പൗരന്മാർ എന്നിവർക്ക്​ നേരത്തെ കോവിഡ്​ സ്ഥിരീകരിച്ചവരുമായുള്ള സമ്പർക്കത്തിലൂടെയാണ്​ വൈറസ്​ ബാധിച്ചത്​. പത്ത്​ കുവൈത്തികൾക്കും മൂന്ന്​ ബിദൂനികൾക്കും ഏതുവഴിയാണ്​ വൈറസ്​ ബാധിച്ചതെന്ന്​ കണ്ടെത്തിയിട്ടില്ല.