കുവൈത്തിൽ 50 പേർക്ക്​ കൂടി കോവിഡ്​ ; 30 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 32 ഇന്ത്യക്കാർ ഉൾപ്പെടെ 50 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ കോവിഡ്​ സ് ഥിരീകരിച്ചവർ 1405 ആയി. ബുധനാഴ്​ച 30 പേർ രോഗമുക്​തി നേടി. 206 പേർ ഇതുവരെ വൈറസ്​ സ്ഥിരീകരിച്ച ശേഷം രോഗമുക്​തി നേടി. ബാ ക്കി 1196 പേർ ചികിത്സയിലാണ്​.

31 പേർ തീവ്രപരിചരണ വിഭാഗത്തിലാണ്​. മൂന്ന്​ പേരാണ്​ രാജ്യത്ത്​ കോവിഡ്​ ബാധിച്ച്​ മരിച്ചത്​. ചൊവ്വാഴ്​ച സ്വദേശി വനിത മരിച്ചിരുന്നു. പുതുതായി രോഗം ബാധിച്ചവരിൽ 43 പേർ നേരത്തെ സ്ഥിരികരിച്ചവരുമായി സമ്പർക്കം പുലർത്തിയവരാണ്​. ഏഴുപേർക്ക്​ ഏതുവഴിയാണ്​ വൈറസ്​ ബാധിച്ചതെന്ന്​ കണ്ടെത്തിയിട്ടില്ല.

31 ഇന്ത്യക്കാർ, രണ്ട്​ കുവൈത്തികൾ, മൂന്ന്​ ഇൗജിപ്​തുകാർ, രണ്ട്​ ബംഗ്ലാദേശികൾ, രണ്ട്​ പാകിസ്ഥാനികൾ, ഒരു ഇറാൻ പൗരൻ, ഒരു നേപ്പാൾ പൗരൻ, ഒരു ശ്രീലങ്കൻ പൗരൻ എന്നിവരാണ്​ നേരത്തെ സ്ഥിരീകരിച്ചവരുമായുള്ള സമ്പർക്കത്തിലൂടെ വൈറസ്​ ബാധിതരായത്​. മൂന്ന്​ ഇൗജിപ്​തുകാർ, ഒരു കുവൈത്തി, ഒരു ശ്രീലങ്കക്കാരൻ, ഒരു ഇന്ത്യക്കാരൻ, ഒരു ബംഗ്ലാദേശി എന്നിവർക്ക്​ ഏതുവഴിയാണ്​ വൈറസ്​ ബാധിച്ചതെന്ന്​ അന്വേഷിച്ചുവരുന്നു.