ഇന്ത്യൻ മെഡിക്കൽ സംഘം കുവൈത്തിലെത്തി

കുവൈത്ത്​ സിറ്റി: കോവിഡ് പ്രതിരോധ നടപടികളിൽ സഹകരിക്കാൻ 15 പേരടങ്ങുന്ന ഇന്ത്യൻ റാപിഡ് റസ്പോൺസ് ടീം കുവൈത്തിലെ ത്തി. വ്യോമസേനയുടെ പ്രത്യേക വിമാനത്തിലാണ്​ ഇന്ത്യയിൽനിന്നുള്ള മെഡിക്കൽ സംഘം കുവൈത്തിലെത്തിയത്.

രണ്ടാഴ്ച കുവൈത്തിൽ തങ്ങുന്ന സംഘം കോവിഡ് പ്രതിരോധ പ്രവർത്തങ്ങളിൽ പങ്കുചേരും. പ്രധാനമന്ത്രി നരേന്ദ്ര മോദിയും കുവൈത്ത് പ്രധാനമന്ത്രിയുമായി നടത്തിയ ടെലഫോൺ സംഭാഷണത്തിൽ കോവിഡ് പ്രതിരോധ നടപടികളിൽ സഹകരണം ഉറപ്പുനൽകിയിരുന്നു.

ഇതി​​െൻറ തുടർച്ചയായാണ് മെഡിക്കൽ സംഘം കുവൈത്തിൽ എത്തിയത്. ഇന്ത്യയും കുവൈത്തും തമ്മിലുള്ള ഉറച്ച സൗഹൃദമാണ് ഇതിലൂടെ വ്യക്തമാക്കുന്നതെന്ന്​ ഇന്ത്യൻ വിദേശകാര്യമന്ത്രി എസ്. ജയശങ്കർ ട്വീറ്റ്​ ചെയ്​തു.