കുവൈത്തിൽ എട്ട്​ ഇന്ത്യക്കാരടക്കം 11 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ എട്ട്​ ഇന്ത്യക്കാരടക്കം 11 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ രാജ്യത്ത് ​ വൈറസ്​ ബാധിതരായ ഇന്ത്യക്കാരുടെ എണ്ണം 25 ആയി. ബ്രിട്ടനിൽനിന്ന്​ വന്ന സ്വദേശി, ബ്രിട്ടനിൽനിന്ന്​ വന്ന സൗദി പൗരൻ, സ്വിറ്റ്​സർലാൻഡിൽനിന്ന്​ വന്നയാളുമായി സമ്പർക്കം പുലർത്തിയ സ്വദേശി എന്നിവരാണ്​ ഇന്ത്യക്കാരെ കൂടാതെ വൈറസ്​ സ്ഥിരീകരിച്ചത്​.

ഒരു ഇന്ത്യക്കാരന്​ ഏതുവഴിയാണ്​ രോഗം ബാധിച്ചതെന്ന്​ കണ്ടെത്തിയിട്ടില്ല. ഇതോടെ രാജ്യത്ത്​ ആകെ വൈറസ്​ ബാധിതരുടെ എണ്ണം 266 ആയി. അഞ്ചുപേർ തിങ്കളാഴ്​ച രോഗമുക്​തി നേടി. ആകെ രോഗമുക്​തി നേടിയവരുടെ എണ്ണം 72. ബാക്കി 194 പേർ ചികിത്സയിലാണ്​. 13 പേർ തീവ്രപരിചരണ വിഭാഗത്തിലുള്ളവരിൽ മൂന്നുപേരുടെ നില ഗുരുതരമാണ്​.