കുവൈത്തിൽ മൂന്നുപേർക്ക്​ കൂടി രോഗമുക്​തി

കുവൈത്ത്​ സിറ്റി: കുവൈത്തിൽ കോവിഡ്​ 19 സ്ഥിരീകരിച്ച ശേഷം രോഗമുക്​തി നേടിയവരുടെ എണ്ണം 12 ആയി. ഇപ്പോൾ കുവൈത്തിൽ കോവിഡുമായി ബന്ധപ്പെട്ട്​ ചികിത്സയിലുള്ളത്​ 111 പേരാണ്​.

തിങ്കളാഴ്​ച മൂന്ന്​ പേർ കൂടി പൂർണ ആരോഗ്യം കൈവരിച്ചു. തീവ്രപരിചരണ വിഭാഗത്തിൽ നാലുപേരാണുള്ളത്​. ഇതിൽ മൂന്നുപേരുടെ നില ഗുരുതരമല്ല. ജാബിർ ആശുപത്രിയിലാണ്​ ഇവർക്ക്​ ചികിത്സ നൽകുന്നത്​.