കുവൈത്തിൽ നാലുപേർക്ക്​ കൂടി​ രോഗമുക്​തി

കുവൈത്ത്​ സിറ്റി: കുവൈത്തിൽ നാലു​ പേർ കൂടി കോവിഡ്​ 19 സ്ഥിരീകരിച്ച ശേഷം രോഗമുക്​തി നേടി. ചൊവ്വാഴ്​ച ഒമ്പത്​ പേർ രോഗമുക്​തി നേടിയിരുന്നു. ഇ​തോടെ രാജ്യത്ത്​ രോഗമുക്​തി നേടിയവരുടെ എണ്ണം 43 ആയി. 148 പേരാണ്​ നിലവിൽ ചികിത്സയിലുള്ളത്​.

ഇതിൽ​ അഞ്ചുപേർ തീവ്രപരിചരണ വിഭാഗത്തിലാണ്​. മൂന്നുപേർക്കാണ്​ ഗുരുതരാവസ്ഥയുള്ളത്​. ഇവർ പ്രായമുള്ളവരും മറ്റ്​ അസുഖങ്ങൾ ഉള്ളവരുമാണ്​. കോവിഡ്​ ബാധിത പ്രദേശങ്ങളിൽനിന്ന്​ വന്ന 211 പേരാണ്​ നിലവിൽ നിരീക്ഷണ ക്യാമ്പിലുള്ളത്​.