പാസ്​പോർട്ട്​ പുതുക്കാൻ കഴിയാതെ നിരവധി പേർ പ്രയാസത്തിൽ

കുവൈത്ത്​ സിറ്റി: ലോക്ക്​ ഡൗൺ കാരണം പാസ്​പോർട്ട്​ പുതുക്കാൻ കഴിയാതെ നിരവധി ഇന്ത്യക്കാർ പ്രയാസത്തിൽ. തങ്ങള ുടേതല്ലാത്ത കാരണത്താൽ പാസ്​പോർട്ട്​ പുതുക്കാൻ കഴിയാതെ കാലാവധി കഴിഞ്ഞ്​ എട്ടുദീനാർ പിഴ അടക്കേണ്ട അവസ്ഥയിലാ ണ്​ ഇവർ. ജലീബ്​ അൽ ശുയൂഖിലെ പാസ്​പോർട്ട്​ സേവാകേന്ദ്രം ലോക്​ ഡൗൺ പശ്ചാത്തലത്തിൽ അടച്ചിട്ടതാണ്​ പ്രതിസന്ധിക ്ക്​ കാരണം.

ജലീബിലുള്ളവർക്ക്​ ഇപ്പോൾ പുറത്തുപോവാനും വഴിയില്ല. സമീപ പ്രദേശങ്ങളിലുള്ളവരും ജലീബ്​ കേന്ദ്രത്തെ ആശ്രയിച്ചിരുന്നു. ഇവർക്ക്​ ശർഖ്​, ഫഹാഹീൽ എന്നിവിടങ്ങളിലെ കേന്ദ്രങ്ങളെ ആശ്രയിക്കാമെന്നാണ്​ നിർദേശമെങ്കിലും തിരക്ക്​ കാരണം അപ്പോയിൻറ്​മ​െൻറ്​ കിട്ടുന്നില്ല. ലോക്​ ഡൗൺ നിലവിലുള്ള മഹ്​ബൂല നിവാസികൾക്കും പാസ്​പോർട്ട്​ പുതുക്കാൻ വഴിയില്ല.

കോക്​സ്​ ആൻഡ്​ കിങ്​സ്​ ഗ്ലോബൽ സർവീസസ്​ എന്ന കമ്പനിയെയാണ്​ ഇന്ത്യൻ എംബസി പാസ്​പോർട്ട്​ സംബന്ധിച്ച​ ഒൗട്ട്​സോഴ്​സ്​ സേവനത്തിന്​ ഏൽപിച്ചിട്ടുള്ളത്​. കോവിഡ്​ പ്രതിസന്ധിയും ലോക്ക്​ ഡൗൺ അടക്കമുള്ള നിയന്ത്രണങ്ങളും എത്ര ദിവസം നീളുമെന്ന്​ നിശ്ചയമില്ല. ഇൗ സാഹചര്യത്തിൽ ജലീബിലെ പാസ്​പോർട്ട്​ സേവാ കേന്ദ്രം തുറക്കണമെന്ന്​ ഇന്ത്യൻ സമൂഹത്തിൽനിന്ന്​ ആവശ്യമുയരുന്നു.

പാസ്​പോർട്ട്​ കാലാവധി കഴിഞ്ഞതി​​െൻറ എട്ട്​ ദീനാർ പിഴ ഒഴിവാക്കി നൽകണമെന്നും ആവശ്യമുണ്ട്​. പൊതുമാപ്പിന്​ ഒൗട്ട്​ പാസ്​ അപേക്ഷിക്കു​േമ്പാൾ നൽകേ​ണ്ട അഞ്ചുദീനാർ കഴിഞ്ഞ ദിവസം ഒഴിവാക്കിയിരുന്നു. ഇതേ മാതൃകയിൽ പ്രത്യേക ഉത്തരവിലൂടെ പിഴയും ഒഴിവാക്കണമെന്നാണ്​ ആവശ്യം.