കുവൈത്ത്​: ശമ്പളം വെട്ടിക്കുറക്കാൻ അനുവദിച്ച്​ തൊഴിൽ നിയമ ഭേദഗതിക്ക്​ അംഗീകാരം

കുവൈത്ത്​ സിറ്റി: സ്വകാര്യ മേഖലയിലെ തൊഴിലാളികളുടെ ശമ്പളം തൊഴിലാളിയും തൊഴിലുടമയും ധാരണയി​ലെത്തി വെട്ടിക്കാൻ അനുമതി. ഇതുസംബന്ധിച്ച തൊഴിൽനിയമ ഭേദഗതിക്ക്​ കുവൈത്ത്​ മന്ത്രിസഭ അംഗീകാരം നൽകി.

കോവിഡ്​ പ്രതിസന്ധിയെ തുടർന്ന്​ വരുമാനം കുറഞ്ഞ്​ സംരംഭങ്ങൾ വെല്ലുവിളി നേരിടുന്ന പശ്ചാത്തലത്തിലാണ്​ ചെലവുചുരുക്കലി​​​െൻറ ഭാഗമായി ശമ്പളം കുറക്കാൻ അനുമതി നൽകിയത്​. നിലവിലെ തൊഴിൽ നിയമ പ്രകാരം എന്ത്​ സാഹചര്യത്തിലും കരാറിൽ പറഞ്ഞ ശമ്പളത്തിൽനിന്ന്​ കുറവുവരുത്താൻ അനുമതിയുണ്ടായിരുന്നില്ല. അതിനിടെ സ്വകാര്യ മേഖലയിലെ സ്വദേശികളുടെ ആനുകൂല്യം കവരുന്ന തൊഴിൽനിയമ ഭേദഗതിക്കെതിരെ പാർലമ​​െൻറ്​ അംഗങ്ങൾ രംഗത്തെത്തി.

സ്വകാര്യ മേഖലയിലെ തൊഴിലാളികളിൽ 97 ശതമാനവും വിദേശികളാണ്​. തൊഴിലും സംരംഭവും നിലനിർത്തുന്നതിന്​ ഉഭയ സമ്മതപ്രകാരം ശമ്പളം വെട്ടിക്കുറക്കാം എന്നാണ്​ പറയുന്നതെങ്കിലും തൊഴിലുടമകൾ നിർബന്ധിച്ചും സമ്മർദ്ദം​ ചെലുത്തിയും ശമ്പളം കുറക്കാൻ ഇടയാക്കുമെന്ന്​ എം.പിമാർ ആരോപിച്ചു.