കോവിഡ്​ ചികിത്സയിലായിരുന്ന രണ്ട്​ മലയാളികൾ മരിച്ചു

കുവൈത്ത്​ സിറ്റി: കുവൈത്തിൽ കോവിഡ്​ ചികിത്സയിലായിരുന്ന രണ്ട്​ മലയാളികൾ മരിച്ചു. ആറന്മുള ഇടയാറൻമുള (കോഴിപ്പ ാലം) വടക്കനമൂട്ടിൽ രാജേഷ് കുട്ടപ്പൻ നായർ (51), തൃശൂർ വലപ്പാട്​ തോപ്പിയിൽ വീട്ടില്‍ അബ്​ദുൽ ഗഫൂർ (54) എന്നിവരാണ്​ മരി ച്ചത്​. ബദർ അൽ മുല്ല കമ്പനിയിൽ ജീവനക്കാരനായിരുന്ന രാജേഷ്​ കുട്ടപ്പൻ നായർക്ക്​ താമസിക്കുന്ന കെട്ടിടത്തിൽ നേരത്തെ കോവിഡ്​ ബാധിച്ചവരുമായുള്ള സമ്പർക്കത്തിലൂടെയാണ്​ വൈറസ്​ ബാധിച്ചത്​.

നേരത്തെ ഫർവാനിയ ആശുപത്രിയിലായിരുന്ന ഇദ്ദേഹത്തെ ഏപ്രിൽ 15ന്​ ജാബിർ ആശുപത്രിയിലെ കോവിഡ്​ വാർഡിലേക്ക്​ മാറ്റുകയും 17ന്​ തീവ്രപരിചരണ വിഭാഗത്തിലാക്കുകയുമായിരുന്നു. ഭാര്യ: ഗീത. ആറാം ക്ലാസിലും പ്ലസ്​ടുവിലും പഠിക്കുന്ന ആൺകുട്ടികളുമുണ്ട്​.

തൃശൂർ വലപ്പാട്​ സ്വദേശി അബ്​ദുൽ ഗഫൂൾ സിറ്റിയിൽ തയ്യൽ ജോലിക്കാരനായിരുന്നു. അബ്​ദുൽ ഗഫൂറിന്​ ന്യൂ മോണിയ ഉണ്ടായിരുന്നു ഹൃദയ രോഗിയുമായിരുന്നു. ഭാര്യ: ഷാഹിദ. ഇദ്ദേഹത്തിന്​ മുഹമ്മദ്​, അഫ്​സാദ്​ എന്ന്​ പേരുള്ള രണ്ടുമക്കളും കുവൈത്തിൽ തയ്യൽ ജോലിക്കാരാണ്​. മരുമകൾ: ജബി ഫാത്തിമ. രണ്ടുമക്കളും കോവിഡ്​ ക്വാറ​ൈൻറനിലാണ്​.