കോവിഡ്​ 19: കുവൈത്തിൽ 34കാരൻ രോഗവിമുക്​തി നേടി

കുവൈത്ത്​ സിറ്റി: കോവിഡ്​ 19 ബാധിച്ച കുവൈത്തി യുവാവ്​ രോഗ വിമുക്​തി നേടി.

ആരോഗ്യ മന്ത്രി ഡോ. ബാസിൽ അസ്സബ ാഹ്​ അറിയിച്ചതാണിത്​. നേരത്തെ വൈറസ്​ ബാധ സ്ഥിരീകരിച്ച്​ ആശുപത്രിയിൽ ചികിത്സയിലായിരുന്ന 34കാരനാണ്​ പരിശോധനയിൽ പൂർണമായും രോഗവിമുക്​തി നേടിയതായി സ്ഥിരീകരിച്ചത്​.

തുടർ പരിശോധനക്ക്​ ശേഷം ഇയാളെ വെള്ളിയാഴ്​ച വിട്ടയക്കുമെന്ന്​ മന്ത്രി കൂട്ടിച്ചേർത്തു. കോവിഡ്​ 19 സ്ഥിരീകരിച്ച ശേഷം രോഗമുക്​തി നേടുന്ന കുവൈത്തിലെ ആദ്യ കേസാണിത്​. ക്യാമ്പിൽ പ്രത്യേക നിരീക്ഷണത്തിലുണ്ടായിരുന്ന രണ്ടുപേരെ കഴിഞ്ഞ ദിവസം വിട്ടയച്ചിരുന്നു.