രാ​ജ്യം ഇ​ല​ക്ട്രി​ക് വാ​ഹ​ന രം​ഗ​ത്തേ​ക്ക്

കു​വൈ​ത്ത് സി​റ്റി: രാ​ജ്യം ഇ​ല​ക്ട്രി​ക് വാ​ഹ​ന രം​ഗ​ത്തേ​ക്ക് പ്ര​വേ​ശി​ക്കു​ന്നു. ഇ​തി​ന്റെ മു​ന്നോ​ടി​യാ​യി വാ​ഹ​ന​ങ്ങ​ൾ​ക്കു​ള്ള ചാ​ർ​ജി​ങ് സ്റ്റേ​ഷ​നു​ക​ളു​ടെ ലി​സ്റ്റ് ത​യാ​റാ​ക്കു​ന്ന​ത് പൂ​ർ​ത്തി​യാ​യി. പൊ​തു​മ​രാ​മ​ത്ത് -വൈ​ദ്യു​തി മ​ന്ത്രി അ​ലി അ​ൽ മൂ​സ യാ​ണ് ശ​നി​യാ​ഴ്ച ഇ​ക്കാ​ര്യം വ്യ​ക്ത​മാ​ക്കി​യ​ത്. രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി സ്ഥാ​പി​ക്കു​ന്ന ചാ​ർ​ജി​ങ് കേ​ന്ദ്ര​ങ്ങ​ളി​ൽ നി​ന്ന് ഉ​പ​ഭോ​ക്താ​ക്ക​ൾ​ക്ക് സേ​വ​നം ല​ഭ്യ​മാ​കും. ആ​ഗോ​ള മു​ന്നേ​റ്റ​ത്തി​നൊ​പ്പം സ​ഞ്ച​രി​ക്കു​ക, ഇ​ല​ക്ട്രി​ക് കാ​റു​ക​ളു​ടെ ഉ​പ​യോ​ഗം വ​ർ​ധി​പ്പി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് പു​തി​യ പ​ദ്ധ​തി.

സ​ർ​ക്കാ​ർ കെ​ട്ടി​ട​ങ്ങ​ൾ, വ്യാ​പാ​ര സ​മു​ച്ച​യ​ങ്ങ​ൾ, മ​റ്റി​ട​ങ്ങ​ൾ എ​ന്നി​വി​ട​ങ്ങ​ളി​ൽ ചാ​ർ​ജി​ങ് സ്റ്റേ​ഷ​നു​ക​ൾ സ്ഥാ​പി​ക്കും. രാ​ജ്യ​ത്തെ ഇ​ല​ക്ട്രി​ക് വാ​ഹ​ന വി​പ​ണി വ​ലി​യ മു​ന്നേ​റ്റ​ത്തി​ലാ​ണെ​ന്നും നി​ര​വ​ധി പേ​ർ ഇ​ല​ക്ട്രി​ക് വാ​ഹ​ന​ങ്ങ​ൾ​ക്ക് താ​ൽ​പ​ര്യം പ്ര​ക​ടി​പ്പി​ക്കു​ന്നു​ണ്ടെ​ന്നും മ​ന്ത്രി അ​റി​യി​ച്ചു. ചാ​ർ​ജി​ങ് സ്റ്റേ​ഷ​നു​ക​ളു​ടെ തു​ട​ക്കം വി​ദേ​ശ ഇ​ല​ക്ട്രി​ക് കാ​ർ നി​ർ​മാ​താ​ക്ക​ളെ കു​വൈ​ത്ത് വി​പ​ണി​യി​ൽ പ്ര​വേ​ശി​ക്കാ​ൻ ഇ​ട​യാ​ക്കു​മെ​ന്നും അ​ദ്ദേ​ഹം സൂ​ചി​പ്പി​ച്ചു. ഇ​ല​ക്ട്രി​ക് കാ​റു​ക​ളി​ലേ​ക്കു​ള്ള മാ​റ്റ​ത്തി​ലൂ​ടെ മ​ലി​നീ​ക​ര​ണം കു​റ​ക്കാ​നാ​കും. കു​വൈ​ത്ത് 2035 പ​ദ്ധ​തി​യി​ൽ ശു​ദ്ധ​മാ​യ അ​ന്ത​രീ​ക്ഷ​വും ല​ക്ഷ്യ​മാ​ണെ​ന്ന് മ​ന്ത്രി കൂ​ട്ടി​ച്ചേ​ർ​ത്തു.

രാ​ജ്യ​ത്ത് ഇ​ല​ക്ട്രി​ക് കാ​റു​ക​ൾ വ്യാ​പ​ക​മാ​ക്കാ​ൻ ര​ണ്ടു​വ​ർ​ഷം മു​മ്പ് സ​ർ​ക്കാ​ർ ത​ല​ത്തി​ൽ നീ​ക്ക​മാ​രം​ഭി​ച്ചി​രു​ന്നു. 2022 ഓ​ടെ രാ​ജ്യ​ത്ത് ഇ​ല​ക്ട്രി​ക് കാ​റു​ക​ൾ പ്ര​ചാ​ര​ത്തി​ലാ​ക്കാ​നാ​യി​രു​ന്നു പ​ദ്ധ​തി. ഇ​തി​ന്റെ ഭാ​ഗ​മാ​യി അ​ടി​സ്ഥാ​ന സൗ​ക​ര്യ​ങ്ങ​ൾ, വെ​ല്ലു​വി​ളി​ക​ൾ എ​ന്നി​വ സം​ബ​ന്ധി​ച്ച് പ​ഠി​ക്കാ​ൻ പ്ര​ത്യേ​ക സ​മി​തി​യെ​യും സ​ര്‍ക്കാ​ര്‍ ചു​മ​ത​ല​പ്പെ​ടു​ത്തി. ആ​ഭ്യ​ന്ത​ര മ​ന്ത്രാ​ല​യം, ക​സ്റ്റം​സ് വ​കു​പ്പ്, വാ​ണി​ജ്യ വ്യ​വ​സാ​യ​മ​ന്ത്രാ​ല​യം, കു​വൈ​ത്ത് സ​യ​ന്‍റി​ഫി​ക് റി​സ​ര്‍ച് സെ​ന്‍റ​ര്‍ എ​ന്നി​വ​യി​ലെ ഉ​ദ്യോ​ഗ​സ്ഥ​ര​ട​ങ്ങു​ന്ന സം​ഘ​ത്തെ​യാ​ണ് പ​ഠ​ന​ത്തി​നാ​യി ചു​മ​ത​ല​പ്പെ​ടു​ത്തി​യ​ത്.

കു​വൈ​ത്തി​ന്റെ കാ​ലാ​വ​സ്ഥ​യോ​ട് കാ​റു​ക​ള്‍ എ​ങ്ങ​നെ ഇ​ണ​ങ്ങി​ച്ചേ​രു​മെ​ന്നും പ്ര​കൃ​തി​യെ എ​ങ്ങ​നെ ബാ​ധി​ക്കു​മെ​ന്നു​മു​ള്ള പ​ഠ​നം ഇ​തി​ന്റെ ഭാ​ഗ​മാ​യി​രു​ന്നു. രാ​ജ്യ​മെ​മ്പാ​ടും ചാ​ർ​ജി​ങ് സ്റ്റേ​ഷ​നു​ക​ൾ സ്ഥാ​പി​ക്കാ​ൻ വൈ​ദ്യു​തി മ​ന്ത്രാ​ല​യം ല​ക്ഷ്യ​മി​ട്ടി​രു​ന്നു.