കു​വൈ​ത്തിൽ ബു​ധ​നാ​ഴ്ച വ​രെ തെ​ളി​ഞ്ഞ ആ​കാ​ശം, വെ​ള്ളി​യാ​ഴ്ച ചി​ത​റി​യ മ​ഴ

കു​വൈ​ത്ത് സി​റ്റി: രാ​ജ്യ​ത്ത് ബു​ധ​നാ​ഴ്‌​ച വ​രെ തെ​ളി​ഞ്ഞ ആ​കാ​ശ​വും വെ​ള്ളി​യാ​ഴ്ച ഒ​റ്റ​പ്പെ​ട്ട മ​ഴ​ക്ക് സാ​ധ്യ​ത​യു​ണ്ടെ​ന്നും ജ്യോ​തി​ശാ​സ്ത്ര​ജ്ഞ​നാ​യ അ​ദെ​ൽ അ​ൽ മ​ർ​സൂ​ഖി​നെ ഉ​ദ്ധ​രി​ച്ച് മാ​ധ്യ​മ​ങ്ങ​ൾ റി​പ്പോ​ർ​ട്ടു ചെ​യ്തു. ഉ​പ​ദ്വീ​പി​ന്റെ മി​ക്ക ഭാ​ഗ​ങ്ങ​ളി​ലും നി​ല​വി​ൽ ഉ​യ​ർ​ന്ന മ​ർ​ദ​മു​ണ്ട്. ഇ​ത് വ​ട​ക്കു​പ​ടി​ഞ്ഞാ​റ​ൻ കാ​റ്റി​ന്റെ മി​ത​മാ​യ പ്ര​വേ​ശ​ന​ത്തി​ന് കാ​ര​ണ​മാ​കു​ന്നു.

മ​ണി​ക്കൂ​റി​ൽ എ​ട്ടു മു​ത​ൽ 20 കി​ലോ​മീ​റ്റ​ർ വ​രെ വേ​ഗ​ത്തി​ൽ കാ​റ്റു​വീ​ശാം. അ​ന്ത​രീ​ക്ഷം ത​ണു​പ്പു​ള്ള​തും വ​ര​ണ്ട​തും മേ​ഘ​ര​ഹി​ത​വു​മാ​കും. രാ​ത്രി​യി​ൽ താ​പ​നി​ല 11 മു​ത​ൽ 15 ഡി​ഗ്രി വ​രെ ആ​യി​രി​ക്കു​മെ​ന്ന് പ്ര​തീ​ക്ഷി​ക്കു​ന്നു. പ​ക​ൽ സ​മ​യ​ത്ത് ഇ​ത് 22നും 23​നും ഇ​ട​യി​ലാ​യി​രി​ക്കും. വ​ട​ക്കു​പ​ടി​ഞ്ഞാ​റ​ൻ കാ​റ്റ് ബു​ധ​നാ​ഴ്ച വ​രെ തു​ട​രും.

ബു​ധ​നാ​ഴ്ച ശൈ​ത്യ​കാ​ലം ആ​രം​ഭി​ക്കു​ന്ന​തോ​ടെ രാ​ത്രി​ക​ൾ നീ​ണ്ട​തും പ​ക​ലു​ക​ൾ ചെ​റു​തു​മാ​യി​രി​ക്കും. അ​തേ​സ​മ​യം, ശ​നി​യാ​ഴ്ച രാ​വി​ലെ വ​രെ ഇ​ടി​മി​ന്ന​ലി​ന് സാ​ധ്യ​ത​യു​ണ്ട്. വ​ട​ക്കു​പ​ടി​ഞ്ഞാ​റ​ൻ കാ​റ്റി​നും മേ​ഘ​ര​ഹി​ത​മാ​യ കാ​ലാ​വ​സ്ഥ​ക്കു​മൊ​പ്പം ശ​നി​യാ​ഴ്ച രാ​വി​ലെ താ​പ​നി​ല വ​ള​രെ കു​റ​യാ​നും സാ​ധ്യ​ത​യു​ണ്ട്.