പ്രവാസികളുടെ സിവിൽ ഐഡി ബാങ്ക് അക്കൗണ്ടുകളുമായി ബന്ധിപ്പിക്കും

കു​വൈ​ത്ത് സി​റ്റി: രാ​ജ്യ​ത്തെ പ്ര​വാ​സി​ക​ളു​ടെ സി​വി​ൽ ഐ​ഡി ബാ​ങ്ക് അ​ക്കൗ​ണ്ടു​ക​ളു​മാ​യി ബ​ന്ധി​പ്പി​ക്കും. താ​മ​സാ​നു​മ​തി കാ​ലാ​വ​ധി അ​വ​സാ​നി​ക്കു​ന്ന മു​റ​ക്ക് ബാ​ങ്ക് അ​ക്കൗ​ണ്ടു​ക​ൾ മ​ര​വി​പ്പി​ക്കാ​നു​ള്ള ന​ട​പ​ടി​ക​ളും ബാ​ങ്ക് അ​ധി​കൃ​ത​ര്‍ സ്വീ​ക​രി​ക്കു​മെ​ന്ന് പ്രാ​ദേ​ശി​ക മാ​ധ്യ​മ​മാ​യ അ​ൽ റാ​യ് റി​പ്പോ​ര്‍ട്ട് ചെ​യ്തു. സി​വി​ൽ ഐ​ഡി കാ​ലാ​വ​ധി അ​വ​സാ​നി​ച്ച പ്ര​വാ​സി ഇ​ട​പാ​ടു​കാ​ർ​ക്ക് നി​യ​ന്ത്ര​ണ​ങ്ങ​ള്‍ ഏ​ര്‍പ്പെ​ടു​ത്തും. താ​മ​സ​രേ​ഖ അ​വ​സാ​നി​ക്കു​ന്ന മു​റ​ക്കാ​വും പ്ര​വാ​സി​ക​ളു​ടെ അ​ക്കൗ​ണ്ടു​ക​ൾ താ​ല്‍ക്കാ​ലി​ക​മാ​യി മ​ര​വി​പ്പി​ക്കു​ക. വി​സ കാ​ലാ​വ​ധി അ​വ​സാ​നി​ക്കു​ന്ന​തോ​ടെ ഉ​പ​ഭോ​ക്താ​വ് അ​ന​ധി​കൃ​ത താ​മ​സ​ക്കാ​ര​നാ​യി മാ​റു​ന്ന സാ​ഹ​ച​ര്യ​ത്തി​ലാ​ണ് ഈ ​ന​ട​പ​ടി. റെ​സി​ഡ​ൻ​സി പു​തു​ക്കു​ന്ന മു​റ​ക്ക് അ​ക്കൗ​ണ്ടു​ക​ൾ തി​രി​കെ ല​ഭി​ക്കു​ക​യും അ​ല്ലാ​ത്ത​വ​രു​ടേ​ത് മ​ര​വി​പ്പി​ക്കു​ക​യും ചെ​യ്യും.

ഇ​തോ​ടെ ബാ​ങ്കു​ക​ളി​ല്‍നി​ന്ന് പ​ണം പി​ന്‍വ​ലി​ക്കാ​നോ ക്രെ​ഡി​റ്റ്‌, ഡെ​ബി​റ്റ് കാ​ര്‍ഡു​ക​ള്‍ വ​ഴി ഇ​ട​പാ​ടു​ക​ള്‍ ന​ട​ത്താ​നോ ക​ഴി​യി​ല്ല. അ​ക്കൗ​ണ്ട് മ​ര​വി​പ്പി​ക്ക​ൽ പ്ര​ക്രി​യ ഓ​രോ ബാ​ങ്കി​നും വ്യ​ത്യ​സ്ത​മാ​ണ്. വി​സ പു​തു​ക്കു​ന്ന​തു​വ​രെ പ​രി​മി​ത​മാ​യ രീ​തി​യി​ല്‍ പ​ണം പി​ന്‍വ​ലി​ക്കാ​ന്‍ ചി​ല ബാ​ങ്കു​ക​ള്‍ അ​നു​വ​ദി​ക്കു​മെ​ന്നും റി​പ്പോ​ര്‍ട്ടു​ക​ളു​ണ്ട്. വി​സ പു​തു​ക്കാ​ന്‍ ക​ഴി​യാ​ത്ത ഉ​പ​ഭോ​ക്താ​വി​ന് ആ​വ​ശ്യ​മാ​യ രേ​ഖ​ക​ള്‍ സ​മ​ര്‍പ്പി​ച്ച്‌ അ​ക്കൗ​ണ്ട് ക്ലോ​സ് ചെ​യ്ത് തു​ക പി​ൻ​വ​ലി​ക്കാ​ൻ അ​വ​സ​രം ഉ​ണ്ടാ​കും.