സി​വി​ൽ ഐ.​ഡി കാ​ർ​ഡ് വൈ​കു​ന്നു

കു​വൈ​ത്ത് സി​റ്റി: രാ​ജ്യ​ത്ത് സി​വി​ൽ ഐ.​ഡി കാ​ർ​ഡ് ല​ഭി​ക്കാ​ന്‍ വൈ​കു​ന്ന​ത് പ്ര​വാ​സി​ക​ള്‍ക്ക് പ്ര​യാ​സം സൃ​ഷ്ടി​ക്കു​ന്നു. റ​സി​ഡ​ൻ​സ് പൂ​ര്‍ത്തി​യാ​ക്കി മാ​സ​ങ്ങ​ള്‍ ക​ഴി​ഞ്ഞി​ട്ടും സി​വി​ൽ ഐ.​ഡി കി​ട്ടാ​ത്ത​വ​രു​ണ്ട്. ഇ​തു​കാ​ര​ണം പ്ര​വാ​സി​ക​ള്‍ നി​ര​വ​ധി പ്ര​യാ​സ​ങ്ങ​ൾ അ​നു​ഭ​വി​ക്കു​ന്ന​താ​യി പ്രാ​ദേ​ശി​ക മാ​ധ്യ​മ​മാ​യ അ​ല്‍ റാ​യ് റി​പ്പോ​ര്‍ട്ട് ചെ​യ്തു. നേ​ര​ത്തേ ഇ​ഖാ​മ പു​തു​ക്കി പ​ണ​മ​ട​ച്ചു ക​ഴി​ഞ്ഞാ​ൽ 48 മ​ണി​ക്കൂ​റി​നു​ള്ളി​ൽ സി​വി​ൽ ഐ.​ഡി ല​ഭ്യ​മാ​യി​രു​ന്നു. എ​ന്നാ​ൽ ഇ​പ്പോ​ൾ മാ​സ​ങ്ങ​ൾ നീ​ളു​ക​യാ​ണ്.

അ​തേ​സ​മ​യം, സി​വി​ൽ ഐ.​ഡി കാ​ർ​ഡി​ന് പ​ക​രം കു​വൈ​ത്ത് മൊ​ബൈ​ല്‍ ഐ.​ഡി​യി​ലെ ഡി​ജി​റ്റ​ല്‍ പ​ക​ര്‍പ്പ് ഉ​പ​യോ​ഗി​ക്കാം. എ​ന്നാ​ൽ ചി​ല​യി​ട​ങ്ങ​ളി​ല്‍ ഔ​ദ്യോ​ഗി​ക ഇ​ട​പാ​ടു​ക​ൾ പൂ​ർ​ത്തി​യാ​ക്കു​ന്ന​തി​നാ​യി ഒ​റി​ജി​ന​ൽ സി​വി​ൽ ഐ.​ഡി ചോ​ദി​ക്കു​ന്ന​ത് പ്ര​യാ​സം സൃ​ഷ്ടി​ക്കു​ന്നു. ചി​ല രാ​ജ്യ​ങ്ങ​ളി​ലെ എം​ബ​സി​യി​ല്‍ വി​സ അ​പേ​ക്ഷ ന​ല്‍കു​മ്പോ​ഴും സ്വ​കാ​ര്യ വി​ദ്യാ​ല​യ​ങ്ങ​ളി​ലെ പ്ര​വേ​ശ​ന​ത്തി​നും ഒ​റി​ജി​ന​ൽ സി​വി​ൽ ഐ.​ഡി ആ​വ​ശ്യ​മാ​ണ്‌. അ​തി​നി​ടെ, സി​വി​ൽ ഐ.​ഡി ഹോം ​ഡെ​ലി​വ​റി സേ​വ​നം താ​ല്‍ക്കാ​ലി​ക​മാ​യി നി​ർ​ത്തി​യ​തും പ്ര​തി​സ​ന്ധി​ക്ക് ആ​ക്കം കൂ​ട്ടി.