കുവൈത്തിൽ ചർച്ചുകൾ പ്രവർത്തിക്കും; അടച്ചത്​ ഹോളി ഫാമിലി കത്തീഡ്രൽ മാത്രം

കുവൈത്ത്​ സിറ്റി: കുവൈത്തിൽ ക്രൈസ്തവ ദേവാലയങ്ങള്‍ രണ്ടാഴ്ച അടച്ചിടുമെന്ന വാർത്ത ശരിയല്ലെന്ന്​ അധികൃതർ. ജീവനക്കാരന്​ കോവിഡ്​ സ്ഥിരീകരിച്ചത്​ കൊണ്ട്​ ആരോഗ്യ സുരക്ഷ മുൻനിർത്തി സിറ്റിയിലെ കത്തോലിക്കാ ഹോളി ഫാമിലി കത്തീഡ്രൽ, പാരിഷ്​ ഒാഫിസ്​ പ്രവർത്തനം മാത്രമാണ്​ ഏപ്രിൽ 15 മുതൽ രണ്ടാഴ്​ചത്തേക്ക്​ അടക്കുന്നത്​.

സിറ്റി കത്തിഡ്രല്‍ അടച്ച സാഹചര്യത്തില്‍ അവിടെ ശനിയാഴ്ച നടത്താന്‍ തീരുമാനിച്ചിരുന്ന കുട്ടികളുടെ ആദ്യകുര്‍ബ്ബാന സ്വീകരണം അന്നേ ദിവസം തന്നെ അഹ്‌മദി ഔര്‍ ലേഡി ഓഫ് അറേബ്യായില്‍ നടത്താനും അധികൃതര്‍ തീരുമാനിച്ചിട്ടുണ്ട്.