ചൈനയിൽനിന്ന്​ മരുന്നുമായി ആറാമത്​ വിമാനമെത്തി

കുവൈത്ത്​ സിറ്റി: ചൈനയിൽനിന്ന്​ മരുന്നും ചികിത്സാ ഉപകരണങ്ങളുമായി ആറാമത്​ വിമാനം കുവൈത്തിലെത്തി. കുവൈത്ത്​ വ ്യോമസേനയുടെ വിമാനത്തിലാണ്​ മരുന്ന്​ എത്തിച്ചത്​. കുവൈത്ത്​ ആരോഗ്യ മന്ത്രാലയത്തിന്​ സ്​ട്രാറ്റജിക്​ സ്​റ്റോക്ക്​ ഉറപ്പുവരുത്താനാണ്​ മരുന്നെത്തിച്ചത്​. ഒാരോ വിമാനത്തിലും 50 ടൺ ഉൽപന്നങ്ങളാണ്​ ഉണ്ടായിരുന്നത്​. ചൈനീസ്​ മെഡിക്കൽ സംഘം നിലവിൽ കുവൈത്തിൽ സേവനം ചെയ്യുന്നുണ്ട്​. പകർച്ചവ്യാധി കൈകാര്യം ചെയ്യുന്നതിൽ പ്രത്യേക പരിശീലനം ലഭിച്ച മെഡിക്കൽ സംഘമാണ്​ കുവൈത്തിലുള്ളത്​. ഫീൽഡ്​ ടൂറുകളും ആരോഗ്യ മന്ത്രാലയത്തിന്​ കീഴിലെ വിദഗ്​ധരുമായുള്ള ചർച്ചകളുമാണ്​ അജണ്ടയിലുള്ളത്​. സംഘം വ്യാഴാഴ്​ച തിരിച്ചുപോവും.