പ്ര​വാ​സി തൊ​ഴി​ലാ​ളി​ക​ളു​ടെ വി​ദ്യാ​ഭ്യാ​സ, തൊ​ഴി​ൽ പ​ദ​വി​ക​ളി​ൽ മാ​റ്റം വ​രു​ത്തു​ന്ന​ത് നി​ർ​ത്ത​ലാ​ക്കി

കു​വൈ​ത്ത് സി​റ്റി: പ്ര​വാ​സി തൊ​ഴി​ലാ​ളി​ക​ളു​ടെ അ​ക്കാ​ദ​മി​ക് യോ​ഗ്യ​ത​യി​ലും ജോ​ലി പ​ദ​വി​യി​ലും മാ​റ്റം അ​നു​വ​ദി​ച്ചി​രു​ന്ന സം​വി​ധാ​ന​ങ്ങ​ൾ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ച​താ​യി പ​ബ്ലി​ക് അ​തോ​റി​റ്റി ഫോ​ർ മാ​ൻ​പ​വ​ർ. ഇ​തോ​ടെ, ബി​രു​ദം പ​രി​ഷ്ക​രി​ക്കാ​നോ ജോ​ലി ത​സ്തി​ക മാ​റ്റാ​നോ ഇ​നി അ​പേ​ക്ഷി​ക്കാ​ൻ ക​ഴി​യി​ല്ല. തൊ​ഴി​ലി​ട​ങ്ങ​ളി​ൽ സു​താ​ര്യ​ത​യും കൃ​ത്യ​ത​യും ഉ​റ​പ്പാ​ക്കു​ന്ന​തി​നാ​ണ് ന​ട​പ​ടി. വ​ർ​ക്ക് പെ​ർ​മി​റ്റി​ന്റെ അ​ടി​സ്ഥാ​ന​ത്തി​ൽ രാ​ജ്യ​ത്ത് പ്ര​വേ​ശി​ച്ച​വ​ർ​ക്കും മ​റ്റ് മേ​ഖ​ല​യി​ൽ നി​ന്ന് സ്വ​കാ​ര്യ മേ​ഖ​ല​യി​ലേ​ക്ക് മാ​റി​യ​വ​ർ​ക്കു​മാ​ണ് പു​തി​യ വി​ല​ക്ക് ബാ​ധ​ക​മാ​കു​ക. ഇ​തി​ന്റെ ഭാ​ഗ​മാ​യി പ്രാ​രം​ഭ ജോ​ലി​യു​മാ​യി പൊ​രു​ത്ത​പ്പെ​ടാ​ത്ത ഉ​യ​ർ​ന്ന യോ​ഗ്യ​ത​യി​ലേ​ക്കു​ള്ള അ​പ്‌​ഗ്രേ​ഡു​ക​ൾ ഇ​നി മു​ത​ൽ അ​നു​വ​ദി​ക്കി​ല്ല.

ജോ​ലി ത​സ്തി​ക​ക​ളി​ല്‍ യോ​ഗ്യ​ത പൊ​രു​ത്ത​ക്കേ​ടു​ള്ള​വ​യു​ടെ അ​പേ​ക്ഷ​ക​ൾ പ്രോ​സ​സ്സ് ചെ​യ്യു​ന്ന​ത് താ​ൽ​ക്കാ​ലി​ക​മാ​യി നി​ർ​ത്തി​വെ​ച്ച​താ​ണെ​ന്നും പ​ബ്ലി​ക് അ​തോ​റി​റ്റി ഫോ​ർ മാ​ൻ​പ​വ​ർ സ​ർ​ക്കു​ല​റി​ൽ അ​റി​യി​ച്ചു.​യോ​ഗ്യ​ത​ക​ളെ അ​ടി​സ്ഥാ​ന​മാ​ക്കി​യാ​യി​രി​ക്ക​ണം തൊ​ഴി​ൽ നി​യ​മ​ന​ങ്ങ​ൾ. തൊ​ഴി​ൽ വി​ഭാ​ഗ​ങ്ങ​ളും യോ​ഗ്യ​ത​ക​ളും സം​ബ​ന്ധി​ച്ച പു​തി​യ ദേ​ശീ​യ ഗൈ​ഡ് പ​ബ്ലി​ക് അ​തോ​റി​റ്റി ഫോ​ർ മാ​ൻ​പ​വ​ർ ത​യാ​റാ​ക്കും. പു​തി​യ ന​യം ഇ​ഷ്യൂ ചെ​യ്ത തീ​യ​തി മു​ത​ൽ പ്രാ​ബ​ല്യ​ത്തി​ൽ വ​രും. പ്ര​വാ​സി​ക​ളും തൊ​ഴി​ലു​ട​മ​ക​ളും നി​ല​വി​ലെ പെ​ർ​മി​റ്റു​ക​ൾ ജോ​ലി സ്വ​ഭാ​വ​വു​മാ​യി പൊ​രു​ത്ത​പ്പെ​ടു​ന്നു​വെ​ന്ന് ഉ​റ​പ്പാ​ക്ക​ണം. കൂ​ടു​ത​ൽ അ​റി​യി​പ്പു​ക​ൾ ല​ഭി​ക്കു​ന്ന​തു​വ​രെ മാ​റ്റ​ങ്ങ​ൾ​ക്കാ​യു​ള്ള അ​പേ​ക്ഷ​ക​ൾ ഒ​ഴി​വാ​ക്ക​ണ​മെ​ന്നും അ​ധി​കൃ​ത​ർ അ​റി​യി​ച്ചു.