ഇന്ന് മഴക്ക് സാധ്യത

കുവൈത്ത് സിറ്റി: ചൊവ്വാഴ്ച രാജ്യത്ത് മഴക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. ചില പ്രദേശങ്ങളിൽ ഇടിമിന്നലും പ്രതീക്ഷിക്കാം. 28 മുതൽ 30 ഡിഗ്രി സെൽഷ്യസ് വരെയാകും താപനില. പകൽസമയത്ത് മിതമായ ചൂടും വൈകുന്നേരങ്ങളിൽ ഗണ്യമായ തണുപ്പും ആയിരിക്കുമെന്ന് പ്രതീക്ഷിക്കുന്നു. ഈ മാസം കാലാവസ്ഥയിൽ ഏറ്റക്കുറച്ചിലുണ്ടാകുമെന്നാണ് സൂചന. മുന്നറിയിപ്പുകൾ പൊതുജനങ്ങൾ ശ്രദ്ധിക്കണമെന്നും കാലാവസ്ഥ വകുപ്പ് നിർദേശിച്ചു.