പു​തിയ നി​രീ​ക്ഷ​ണ കാ​മ​റ​ക​ൾ  ഫ​ല​പ്ര​ദ​മെ​ന്ന് ജ​ന​റ​ൽ ട്രാ​ഫി​ക് വിഭാഗം ​

കു​വൈ​ത്ത്​ സി​റ്റി: കു​വൈ​ത്ത് നി​ര​ത്തു​ക​ളി​ൽ പു​തു​താ​യി സ്ഥാ​പി​ച്ച നി​രീ​ക്ഷ​ണ കാ​മ​റ​ക​ൾ ഫ​ല​പ്ര​ദ​മെ​ന്ന് ജ​ന​റ​ൽ ട്രാ​ഫി​ക് ഡി​പ്പാ​ർ​ട്ട്മ​​െൻറ്​ അ​ണ്ട​ർ സെ​ക്ര​ട്ട​റി മേ​ജ​ർ ജ​ന​റ​ൽ ഫ​ഹ​ദ് സാ​ലിം അ​ൽ ഷു​വൈ​അ്​ പ​റ​ഞ്ഞു. നേ​ര​ത്തെ​യു​ണ്ടാ​യി​രു​ന്ന ബോ​ക്സ് കാ​മ​റ​ക​ൾ​ക്ക്​ പ​ക​രം നൂ​ത​ന സാ​ങ്കേ​തി​ക സം​വി​ധാ​ന​ങ്ങ​ൾ ഉ​ൾ​ക്കൊ​ള്ളി​ച്ച സി​ലി​ണ്ട​ർ ടൈ​പ്പ് കാ​മ​റ​ക​ളാ​ണ് രാ​ജ്യ​ത്തി​​​െൻറ വി​വി​ധ ഭാ​ഗ​ങ്ങ​ളി​ൽ ക​ഴി​ഞ്ഞ ആ​ഴ്ച മു​ത​ൽ പ്ര​വ​ർ​ത്ത​നം തു​ട​ങ്ങി​യ​ത്. 

ബോ​ക്സ് കാ​മ​റ​ക​ളെ​ക്കാ​ൾ സൂ​ക്ഷ്​​മ​മാ​യും വേ​ഗ​ത്തി​ലും നി​യ​മ​ലം​ഘ​ന​ങ്ങ​ൾ രേ​ഖ​പ്പെ​ടു​ത്താ​നും റോ​ഡി​​​െൻറ ഇ​രു​വ​ശ​ങ്ങ​ളി​ൽ​നി​ന്നും ഒ​രേ​സ​മ​യം സൂ​ക്ഷ്​​മ​മാ​യി വി​വ​ര​ങ്ങ​ൾ ഒ​പ്പി​യെ​ടു​ക്കാ​നും ക​ഴി​വു​ള്ള​താ​ണ് പു​തി​യ കാ​മ​റ​ക​ൾ. ഹൈ​ടെ​ക് കാ​മ​റ​ക​ൾ സ്ഥാ​പി​ക്കു​ന്ന​തി​ന് മു​ന്നോ​ടി​യാ​യി വ്യാ​പ​ക​മാ​യ പ്ര​ചാ​ര​ണം  ന​ട​ത്തി​യി​ട്ടും അ​മി​ത​വേ​ഗം ഉ​ൾ​പ്പെ​ടെ​യു​ള്ള നി​യ​മ​ലം​ഘ​ന​ങ്ങ​ൾ തു​ട​രു​ന്ന​ത്  ഗൗ​ര​വ​ത്തോ​ടെ​യാ​ണ് കാ​ണു​ന്ന​തെ​ന്ന് ട്രാ​ഫി​ക്ക് മേ​ധാ​വി പ​റ​ഞ്ഞു. 60 ബ്ലാ​ക് ഹൈ​ടെ​ക്ക് കാ​മ​റ​ക​ളാ​ണ് രാ​ജ്യ​ത്തി​​​െൻറ പ​ല ഭാ​ഗ​ങ്ങ​ളി​ലാ​യി സ്ഥാ​പി​ച്ചി​ട്ടു​ള്ള​ത്​.

ഇ​വ പ്ര​ധാ​ന​മാ​യും മൂ​ന്നു​ത​രം നി​യ​മ​ലം​ഘ​ന​ങ്ങ​ളാ​ണ് രേ​ഖ​പ്പെ​ടു​ത്തു​ക. വേ​ഗ​പ​രി​ധി ലം​ഘി​ക്കു​ന്ന വാ​ഹ​ന​ങ്ങ​ളു​ടെ ഇ​രു ഭാ​ഗ​ങ്ങ​ളി​ലെ​യും ന​മ്പ​ർ പ്ലേ​റ്റ് സ​ഹി​തം കാ​മ​റ​യി​ൽ പ​തി​യും. അ​നു​വ​ദി​ക്ക​പ്പെ​ട്ട സ​മ​യ​ങ്ങ​ളി​ല​ല്ലാ​തെ ഷോ​ർ​ട്ട​ർ ട്രാ​ക്കി​ലൂ​ടെ സ​ഞ്ച​രി​ക്കു​ന്ന വാ​ഹ​ന​ങ്ങ​ൾ, അ​നു​വ​ദി​ക്ക​പ്പെ​ട്ട സ​മ​യ​ങ്ങ​ളി​ലോ വേ​ഗ​പ​രി​ധി​യി​ലോ അ​ല്ലാ​തെ സ​ഞ്ച​രി​ക്കു​ന്ന ട്ര​ക്കു​ക​ൾ എ​ന്നി​വ​യും റെ​ക്കോ​ഡ് ചെ​യ്യും. ട്രാ​ഫി​ക് ഡി​പ്പാ​ർ​ട്ട്​​മ​​െൻറി​​​െൻറ സെ​ൻ​ട്ര​ൽ ക​ൺ​ട്രോ​ൾ യൂ​നി​റ്റി​ലു​ള്ള​വ​ർ​ക്ക്​ ത​ത്സ​മ​യ നി​രീ​ക്ഷ​ണം ന​ട​ത്താ​നും പു​തി​യ സം​വി​ധാ​നം വ​ഴി സാ​ധി​ക്കും.