33 കുപ്പി മദ്യവുമായി പിടിയിൽ

കുവൈത്ത് സിറ്റി: പ്രാദേശികമായി മദ്യം നിർമിച്ച പ്രവാസികളെ ആഭ്യന്തര മന്ത്രാലയം അറസ്റ്റ് ചെയ്തു. ഹവല്ലി ഗവർണറേറ്റിലാണ് സംഭവം. ഇവരിൽനിന്ന് 33 കുപ്പികൾ പ്രാദേശികമായി ഉൽപാദിപ്പിച്ച മദ്യം കണ്ടെത്തി.

പിടിയിലായവരെ നിയമനടപടികൾക്കായി ബന്ധപ്പെട്ട അധികാരികൾക്കു കൈമാറി. മദ്യം, ലഹരിവസ്തുക്കൾ എന്നിവയുടെ നിർമാണം, കൈമാറ്റം, വിൽപന എന്നിവക്കെതിരെ ശക്തമായ നടപടികൾ രാജ്യത്ത് സ്വീകരിച്ചുവരുകയാണ്. ഇത്തരക്കാർക്കെതിരെ കർശനമായ നിയമനടപടി സ്വീകരിക്കുമെന്ന് അധികൃതർ മുന്നറിയിപ്പ് നൽകിയിട്ടുണ്ട്.