സം​ഭാ​വ​ന സ്വീ​ക​രി​ക്ക​ൽ, ന​ൽ​ക​ൽ എ​ന്നി​വ​യി​ൽ ജാ​ഗ്ര​ത വേ​ണം

കു​വൈ​ത്ത് സി​റ്റി: ഔ​ദ്യോ​ഗി​ക​മാ​യി ര​ജി​സ്റ്റ​ർ ചെ​യ്തി​ട്ടു​ള്ള അം​ഗീ​കൃ​ത ചാ​രി​റ്റ​ബി​ൾ ഓ​ർ​ഗ​നൈ​സേ​ഷ​നു​ക​ളി​ലേ​ക്ക് മാ​ത്ര​മേ സം​ഭാ​വ​ന​ക​ൾ ന​ൽ​കാ​വൂ എ​ന്ന് സാ​മൂ​ഹി​ക കാ​ര്യ മ​ന്ത്രാ​ല​യം അ​റി​യി​ച്ചു. സ്ഥി​രീ​ക​രി​ക്കാ​ത്ത​തോ ലൈ​സ​ൻ​സി​ല്ലാ​ത്ത​തോ ആ​യ സ്ഥാ​പ​ന​ങ്ങ​ൾ​ക്ക് സം​ഭാ​വ​ന​ക​ൾ ന​ൽ​കു​മ്പോ​ൾ ജാ​ഗ്ര​ത പാ​ലി​ക്ക​ണ​മെ​ന്നും പൗ​ര​ന്മാ​ർ​ക്കും പ്ര​വാ​സി​ക​ൾ​ക്കും മു​ന്ന​റി​യി​പ്പ് ന​ൽ​കി.

പ​ണം സ്വീ​ക​രി​ക്കു​ന്ന​യാ​ൾ​ക്ക് സം​ഭാ​വ​ന​ക​ൾ ശേ​ഖ​രി​ക്കാ​ൻ അ​നു​മ​തി​യു​ള്ള അം​ഗീ​കൃ​ത സ്ഥാ​പ​ന​ങ്ങ​ളു​മാ​യി ബ​ന്ധം ഉ​ണ്ടെ​ന്ന് ഉ​റ​പ്പാ​ക്ക​ണം. സം​ഭാ​വ​ന​ക​ൾ പ​ണ​മാ​യി ന​ൽ​ക​രു​തെ​ന്നും കെ-​നെ​റ്റ്, ബാ​ങ്ക് ഇ​ട​പാ​ട്, ഇ​ല​ക്ട്രോ​ണി​ക് പേ​മെ​ന്റ് ലി​ങ്കു​ക​ൾ, ഇ​ല​ക്ട്രോ​ണി​ക് പേ​മെ​ന്റ് ഉ​പ​ക​ര​ണ​ങ്ങ​ൾ എ​ന്നി​വ ഉ​ൾ​പ്പെ​ടു​ന്ന അം​ഗീ​കൃ​ത സം​ഭാ​വ​ന ശേ​ഖ​ര​ണ​രീ​തി​ക​ളി​ലൂ​ടെ മാ​ത്രം ന​ൽ​ക​ണ​മെ​ന്നും സാ​മൂ​ഹി​ക​കാ​ര്യ മ​ന്ത്രാ​ല​യം ഔ​ദ്യോ​ഗി​ക പ​ത്ര​ക്കു​റി​പ്പി​ൽ അ​റി​യി​ച്ചു. ബ​ന്ധ​പ്പെ​ട്ട അ​ധി​കാ​രി​ക​ളി​ൽ​നി​ന്ന് മു​ൻ​കൂ​ർ അ​നു​മ​തി വാ​ങ്ങാ​തെ വ്യ​ക്തി​ക​ളും, സം​ഘ​ങ്ങ​ളും ധ​ന​സ​മാ​ഹ​ര​ണ കാ​മ്പ​യി​നു​ക​ൾ ആ​രം​ഭി​ക്ക​രു​ത്.