സ്​നേഹപ്പൊതിയിൽ മനംനിറഞ്ഞ്​ കെട്ടിടത്തിലെ താമസക്കാർ

കുവൈത്ത്​ സിറ്റി: ഫർവാനിയ ബ്ലോക്ക്​ മൂന്നിലെ ഒരു കെട്ടിടത്തിലെ താമസക്കാർ കെട്ടിട ഉടമയുടെ സ്​നേഹത്തിനും കാരുണ്യത്തിനും മുന്നിൽ മനം നിറഞ്ഞിരിക്കുകയാണ്​. ചിക്കൻ മജ്‌ബൂസും വെള്ളവും മിഠായിയും അടങ്ങുന്ന പെട്ടി മൂന്നുദിവസമായി ഒാരോ ഫ്ലാറ്റിനും മുന്നിൽ എത്തുന്നു.

വീട്ടിൽ എത്രയാ​ളാണോ ഉള്ളത്​ അത്രയും പെട്ടികൾ നൽകുന്നുണ്ട്​. കോവിഡ്​ മൂലം പുറത്തിറങ്ങാൻ കഴിയാതെ വരുന്നവരുടെ പ്രയാസം കണക്കിലെടുത്താണ്​ കെട്ടിട ഉടമയുടെ കാരുണ്യം. രാജ്യത്തി​​െൻറ വിവിധ ഭാഗങ്ങളിൽനിന്ന്​ ഇത്തരം സ്​നേഹപ്പൊതികളുടെ വാർത്തകൾ നിരവധി വരുന്നുണ്ട്​.