ന​മാ ചാ​രി​റ്റി യ​മ​നി​ൽ പു​ത​പ്പു​ക​ളും ശൈ​ത്യ​കാ​ല വ​സ്ത്ര​ങ്ങ​ളും വി​ത​ര​ണം ചെ​യ്തു

കു​വൈ​ത്ത് സി​റ്റി: ശൈ​ത്യ​കാ​ല​ത്ത് ക​ഠി​ന​മാ​യ പ്ര​യാ​സം നേ​രി​ടു​ന്ന യ​മ​നി​ലെ നി​ര​വ​ധി പേ​ർ​ക്ക് കു​വൈ​ത്തി​​ലെ ന​മാ ചാ​രി​റ്റി പു​ത​പ്പു​ക​ളും ശൈ​ത്യ​കാ​ല വ​സ്ത്ര​ങ്ങ​ളും വി​ത​ര​ണം ചെ​യ്തു. യ​മ​നി​ലെ മാ​രി​ബ്, ഇ​ബ്ബ് ഗ​വ​ർ​ണ​റേ​റ്റു​ക​ളി​ലെ ആ​യി​ര​ത്തി​ല​ധി​കം പേ​ർ​ക്കാ​ണ് സ​ഹാ​യം എ​ത്തി​ച്ച​ത്.

സ​ഹാ​യ​ത്തി​ന് കു​വൈ​ത്ത് നേ​തൃ​ത്വ​ത്തി​നും സ​ർ​ക്കാ​റി​നും ജ​ന​ങ്ങ​ൾ​ക്കും ന​മാ ചാ​രി​റ്റി​യു​ടെ മാ​നു​ഷി​ക സം​രം​ഭ​ത്തി​നും ന​ന്ദി അ​റി​യി​ക്കു​ന്ന​താ​യി പ​ദ്ധ​തി​യു​ടെ ന​ട​ത്തി​പ്പു​കാ​രാ​യ ഹീ​റ്റീ​ൻ ഫൗ​ണ്ടേ​ഷ​ൻ ഡ​യ​റ​ക്ട​ർ ജ​മാ​ൽ അ​ൽ ഫ​ഖി​ഹ് പ​റ​ഞ്ഞു.

നൂ​റു​ക​ണ​ക്കി​ന് യ​മ​നി കു​ടും​ബ​ങ്ങ​ൾ, പ്ര​ത്യേ​കി​ച്ച് കു​ട്ടി​ക​ളും പ്രാ​യ​മാ​യ​വ​രും അ​ഭി​മു​ഖീ​ക​രി​ക്കു​ന്ന ക​ഠി​ന​മാ​യ ശൈ​ത്യ​കാ​ല ​പ്ര​യാ​സ​ങ്ങ​ൾ ല​ഘൂ​ക​രി​ക്ക​ൽ ല​ക്ഷ്യ​മി​ട്ടാ​ണ് സ​ഹാ​യം. ലോ​ക​മെ​മ്പാ​ടു​മു​ള്ള മാ​നു​ഷി​ക, ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളി​ൽ കു​വൈ​ത്ത് സ്ഥി​രം പ​ങ്കാ​ളി​യാ​ണെ​ന്നും യ​മ​നെ പി​ന്തു​ണ​ക്കു​ന്ന​തി​നു​ള്ള കു​വൈ​ത്തി​ന്റെ ദീ​ർ​ഘ​കാ​ല പ്ര​തി​ബ​ദ്ധ​ത​യും അ​ൽ ഫ​ഖി​ഹ് എ​ടു​ത്തു​പ​റ​ഞ്ഞു. ക​ഴി​ഞ്ഞ ആ​ഴ്ച ന​മാ ചാ​രി​റ്റി വി​വി​ധ യ​മ​ൻ ഗ​വ​ർ​ണ​റേ​റ്റു​ക​ളി​ലു​ട​നീ​ള​മു​ള്ള 5000ത്തോ​ളം പേ​ർ​ക്ക് ശൈ​ത്യ​കാ​ല അ​വ​ശ്യ​വ​സ്തു​ക്ക​ൾ വി​ത​ര​ണം ചെ​യ്തി​രു​ന്നു. ന​മാ ചാ​രി​റ്റി 10 വ​ർ​ഷ​മാ​യി തു​ട​രു​ന്ന കാ​മ്പ​യി​നി​ന്റെ ഭാ​ഗ​മാ​യാ​ണി​ത്.