ബിഷപ് മൂർ കോളജ് അലുമ്നി കുടുംബസംഗമം വെള്ളിയാഴ്ച
text_fieldsമാവേലിക്കര ബിഷപ് മൂർ കോളജ് പ്രിൻസിപ്പൽ പ്രഫ. ജേക്കബ് ചാണ്ടി, റവ. ലെവിൻ കോശി എന്നിവരെ അലുമ്നി ഭാരവാഹികൾ സ്വീകരിക്കുന്നു
കുവൈത്ത് സിറ്റി: ബിഷപ് മൂർ കോളജ് അലുമ്നി കുവൈത്ത് ചാപ്റ്ററിന്റെ കുടുംബസംഗമം 'സാദരം 2022' ഡിസംബർ ഒമ്പതിന് നടക്കും. വൈകീട്ട് അഞ്ചുമുതൽ പോപ്പിൻസ് ഹാൾ അബ്ബാസിയയിലാണ് പരിപാടി. കോവിഡ് സമയത്ത് സന്നദ്ധ പ്രവർത്തനം നടത്തിയ അലുമ്നി കുടുംബാംഗങ്ങളായ ആരോഗ്യ പ്രവർത്തകരെ പരിപാടിയിൽ ആദരിക്കും. വിവിധ കലാപരിപാടികളും നടക്കും.
പരിപാടിയിൽ പങ്കെടുക്കുന്നതിനായി കുവൈത്തിലെത്തിയ മാവേലിക്കര ബിഷപ് മൂർ കോളജ് പ്രിൻസിപ്പൽ പ്രഫ. ജേക്കബ് ചാണ്ടി, പൂർവ വിദ്യാർഥി റവ. ലെവിൻ കോശി എന്നിവരെ അലുമ്നി ഭാരവാഹികളായ ബാബുജി ബത്തേരി, മനോജ് പരിമണം, ബാബു ഗോപാൽ, സംഗീത് പാമ്പാല, ശ്യാം ശിവൻ, ഷാരോൺ ഫിലിപ്പ്, ലേഖ ശ്യാം, പൗർണമി സംഗീത് എന്നിവർ വിമാനത്താവളത്തിൽ സ്വീകരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

