‘ബ​യോ​മെ​ട്രി​ക് സം​വി​ധാ​നം സു​ര​ക്ഷ ശ​ക്ത​മാ​ക്കും’

കു​വൈ​ത്ത് സി​റ്റി: കു​വൈ​ത്തി​ലെ എ​ല്ലാ പ്ര​വേ​ശ​ന ക​വാ​ട​ങ്ങ​ളി​ലും ബ​യോ​മെ​ട്രി​ക് സം​വി​ധാ​നം ഏ​ർ​പ്പെ​ടു​ത്തു​ന്ന​ത് സു​ര​ക്ഷ ശ​ക്ത​മാ​ക്കു​മെ​ന്നും നി​യ​മ​ലം​ഘ​ക​ർ രാ​ജ്യ​ത്ത് പ്ര​വേ​ശി​ക്കു​ന്ന​ത് ത​ട​യാ​നാ​കു​മെ​ന്നും എ​യ​ർ​പോ​ർ​ട്ട് പാ​സ്‌​പോ​ർ​ട്ട് വ​കു​പ്പ് ഡ​യ​റ​ക്ട​ർ ബ്രി​ഗേ​ഡി​യ​ർ ബ​ദ​ർ അ​ൽ ഷാ​യ പ​റ​ഞ്ഞു. രാ​ജ്യ​ത്തേ​ക്ക് പ്ര​വേ​ശി​ക്കു​ന്ന പൗ​ര​ന്മാ​ര്‍ക്കും പ്ര​വാ​സി​ക​ള്‍ക്കും സ​ന്ദ​ർ​ശ​ക വി​സ​ക്കാ​ര്‍ക്കും ബ​യോ​മെ​ട്രി​ക് ര​ജി​സ്ട്രേ​ഷ​ന്‍ നി​ര്‍ബ​ന്ധ​മാ​ണ്. രാ​ജ്യ​ത്തേ​ക്കു പ്ര​വേ​ശി​ക്കു​ന്ന​വ​രു​ടെ നേ​ത്ര അ​ട​യാ​ളം പ​ക​ർ​ത്തി വ്യ​ക്തി​ഗ​ത വി​വ​ര​ങ്ങ​ൾ ചേ​ർ​ത്ത് സൂ​ക്ഷി​ക്കും. വി​മാ​ന​ത്താ​വ​ള​ങ്ങ​ളി​ല്‍ ഇ​തി​നാ​വ​ശ്യ​മാ​യ സ​ജ്ജീ​ക​ര​ണ​ങ്ങ​ള്‍ പൂ​ര്‍ത്തി​യാ​ക്കി​യ​താ​യി അ​ൽ ഷാ​യ പ​റ​ഞ്ഞു.

ബ​യോ​മെ​ട്രി​ക് സം​വി​ധാ​നം വ​ന്ന​തോ​ടെ രാ​ജ്യ​ത്ത് പ്ര​വേ​ശ​ന നി​രോ​ധ​നം ഏ​ർ​പ്പെ​ടു​ത്തി നാ​ടു​ക​ട​ത്തി​യ​വ​ർ തി​രി​ച്ചെ​ത്തു​ന്ന​ത് ത​ട​യാ​ൻ സാ​ധി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി. നി​ല​വി​ല്‍ രാ​ജ്യ​ത്തേ​ക്ക് 53 രാ​ജ്യ​ങ്ങ​ളി​ല്‍ നി​ന്നു​ള്ള​വ​ര്‍ക്കും ജി.​സി.​സി രാ​ജ്യ​ങ്ങ​ളി​ലെ പൗ​ര​ന്മാ​ര്‍ക്കും വി​സ ഓ​ണ്‍ലൈ​ന്‍ സം​വി​ധാ​നം ഒ​രു​ക്കി​യി​ട്ടു​ണ്ട്. ഓ​പ​ൺ സ്കൈ ​ന​യ​ത്തി​ന് അ​നു​യോ​ജ്യ​മാ​യ രീ​തി​യി​ലാ​ണ് വി​മാ​ന​ത്താ​വ​ള​ത്തി​ല്‍ സൗ​ക​ര്യ​ങ്ങ​ള്‍ സ​ജ്ജീ​ക​രി​ച്ചി​രി​ക്കു​ന്ന​ത്. പു​തി​യ വി​മാ​ന​ത്താ​വ​ളം പ്ര​വ​ര്‍ത്ത​ന സ​ജ്ജ​മാ​കു​ന്ന​തോ​ടു​കൂ​ടി നി​ല​വി​ലെ സൗ​ക​ര്യ​ങ്ങ​ള്‍ ഇ​ര​ട്ടി​യാ​കും. യാ​ത്ര​ക്കാ​ര്‍ക്ക് സി​വി​ൽ കാ​ർ​ഡി​ന് പ​ക​ര​മാ​യി കു​വൈ​ത്ത് മൊ​ബൈ​ല്‍ ഐ.​ഡി ആ​പ്ലി​ക്കേ​ഷ​ൻ തി​രി​ച്ച​റി​യ​ൽ രേ​ഖ​യാ​യി ഉ​പ​യോ​ഗി​ക്കാ​മെ​ന്നും അ​ൽ ഷാ​യ കൂ​ട്ടി​ച്ചേ​ര്‍ത്തു.