ബയോമെട്രിക് സമയപരിധി അവസാനത്തിലേക്ക്; ഡിസംബർ 31നു മുമ്പ് പൂർത്തിയാക്കണം

കു​വൈ​ത്ത് സി​റ്റി: പ്ര​വാ​സി​ക​ള്‍ക്ക് ബ​യോ​മെ​ട്രി​ക് ന​ട​പ​ടി​ക​ൾ പൂ​ർ​ത്തി​യാ​ക്കാ​നു​ള്ള സ​മ​യ​പ​രി​ധി അ​വ​സാ​ന​ത്തി​ലേ​ക്ക്. ഡി​സം​ബ​ർ 31ന് ​മു​മ്പ് പ്ര​വാ​സി​ക​ൾ ബ​യോ​മെ​ട്രി​ക് പൂ​ർ​ത്തി​യാ​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.

സ​ർ​ക്കാ​ർ, ബാ​ങ്കി​ങ് ഇ​ട​പാ​ടു​ക​ൾ കാ​ല​താ​മ​സ​മോ ത​ട​സ്സ​ങ്ങ​ളോ ഇ​ല്ലാ​തെ സു​ഗ​മ​മാ​യി തു​ട​രു​ന്ന​തി​ന് ബ​യോ​മെ​ട്രി​ക് പ്ര​ക്രി​യ പൂ​ർ​ത്തി​യാ​ക്കേ​ണ്ട​ത് അ​നി​വാ​ര്യ​മാ​ണ്. കാ​ലാ​വ​ധി ക​ഴി​ഞ്ഞും ബ​യോ​മെ​ട്രി​ക് ചെ​യ്യാ​ത്ത​വ​രു​ടെ സ​ര്‍ക്കാ​ര്‍-​ബാ​ങ്ക് സേ​വ​ന​ങ്ങ​ള്‍ താ​ൽ​ക്കാ​ലി​ക​മാ​യി നി​ർ​ത്തി​വെ​ക്കു​മെ​ന്നാ​ണ് സൂ​ച​ന. കു​വൈ​ത്ത് സ്വ​ദേ​ശി​ക​ള്‍ക്ക് അ​നു​വ​ദി​ച്ചി​രു​ന്ന സ​മ​യം സെ​പ്റ്റം​ബ​റി​ല്‍ അ​വ​സാ​നി​ച്ച​തോ​ടെ ഇ​ത്ത​രം നി​ബ​ന്ധ​ന​ക​ൾ ന​ട​പ്പി​ൽ വ​രു​ത്തി​യി​രു​ന്നു. ഇ​തി​ന്റെ ഭാ​ഗ​മാ​യി ന​ട​പ​ടി​ക​ൾ പൂ​ർ​ത്തി​യാ​ക്കാ​ത്ത പ്ര​വാ​സി​ക​ള്‍ക്ക് ബാ​ങ്കു​ക​ൾ വ​ഴി മു​ന്ന​റി​യി​പ്പ് ന​ൽ​കാ​ൻ കു​വൈ​ത്ത് സെ​ൻ​ട്ര​ൽ ബാ​ങ്ക് നി​ർ​ദേ​ശം ന​ല്‍കി​യി​ട്ടു​ണ്ട്. മെ​റ്റ പ്ലാ​റ്റ്‌​ഫോം, സ​ഹ​ൽ ആ​പ്ലി​ക്കേ​ഷ​ൻ എ​ന്നി​വ​യി​ൽ അ​പ്പോ​യി​ന്റ്മെ​ന്റ് ബു​ക്ക് ചെ​യ്താ​ണ് ബ​യോ​മെ​ട്രി​ക് ന​ട​പ​ടി​ക​ൾ​ക്ക് അ​ത​ത് സെ​ന്റ​റു​ക​ളി​ൽ എ​ത്തേ​ണ്ട​ത്.

നേ​ര​ത്തെ സ്വ​ദേ​ശി​ക​ളും പ്ര​വാ​സി​ക​ളും ജൂ​ൺ ഒ​ന്നി​ന് മു​മ്പാ​യി ബ​യോ​മെ​ട്രി​ക് ര​ജി​സ്ട്രേ​ഷ​ന്‍ പൂ​ര്‍ത്തീ​ക​രി​ക്ക​ണ​മെ​ന്ന് അ​ധി​കൃ​ത​ർ ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. എ​ന്നാ​ൽ, നി​ര​വ​ധി പേ​ർ ബാ​ക്കി ആ​യ​തോ​ടെ പ്ര​വാ​സി​ക​ൾ​ക്ക് ഡി​സം​ബ​ർ 30, പൗ​ര​ന്മാ​ർ​ക്ക് സെ​പ്റ്റം​ബ​ർ 30 തീ​യ​തി​ക​ളി​ലേ​ക്ക് നീ​ട്ടി. പൗ​ര​ന്മാ​രു​ടെ സ​മ​യ​പ​രി​ധി ഇ​തി​ന​കം അ​വ​സാ​നി​ച്ചു. പ്ര​വാ​സി​ക​ൾ​ക്ക് ഇ​നി സ​മ​യ​പ​രി​ധി നീ​ട്ടി​ല്ലെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി​യി​ട്ടു​ണ്ട്.