ബ​യോ​മെ​ട്രി​ക് കേ​ന്ദ്ര​ങ്ങ​ൾ; ജനുവരിയിൽ രാ​ത്രി എ​ട്ടു​വ​രെ പ്ര​വ​ർ​ത്തി​ക്കും

കു​വൈ​ത്ത് സി​റ്റി: കു​വൈ​ത്തി​ലെ ബ​യോ​മെ​ട്രി​ക് ര​ജി​സ്ട്രേ​ഷ​ൻ കേ​ന്ദ്ര​ങ്ങ​ൾ ജ​നു​വ​രി 31വ​രെ രാ​വി​ലെ എ​ട്ടു​മു​ത​ൽ രാ​ത്രി എ​ട്ടു​വ​രെ പ്ര​വ​ർ​ത്തി​ക്കും. അ​ടു​ത്ത മാ​സം മു​ത​ൽ രാ​വി​ലെ എ​ട്ടു​മു​ത​ൽ ഉ​ച്ച​ക്ക് ര​ണ്ടു​വ​രെ എ​ന്ന സാ​ധാ​ര​ണ ഷെ​ഡ്യൂ​ളി​ലേ​ക്ക് മാ​റും. തി​ര​ക്ക് പ​രി​ഗ​ണി​ച്ചും ആ​ളു​ക​ൾ​ക്ക് സൗ​ക​ര്യ​മാ​കാ​നു​മാ​ണ് ജ​നു​വ​രി 31 വ​രെ സാ​യാ​ഹ്ന സ​മ​യം ദീ​ർ​ഘി​പ്പി​ച്ച​ത്. വി​സ അ​പേ​ക്ഷ​ക​ൾ, സു​ര​ക്ഷ പ​രി​ശോ​ധ​ന​ക​ൾ, ക്രി​മി​ന​ൽ അ​ന്വേ​ഷ​ണ​ങ്ങ​ൾ എ​ന്നി​വ​യു​ൾ​പ്പെ​ടെ വി​വി​ധ സ​ർ​ക്കാ​റു​മാ​യി ബ​ന്ധ​പ്പെ​ട്ട പ്ര​ക്രി​യ​ക​ൾ​ക്ക് ബ​യോ​മെ​ട്രി​ക് ര​ജി​സ്ട്രേ​ഷ​ൻ നി​ർ​ബ​ന്ധ​മാ​ണ്.

എ​ടു​ക്കാ​ത്ത​വ​ർ​ക്ക് ബാ​ങ്കി​ങ് സേ​വ​നം ഉ​ൾ​പ്പെ​ടെ ത​ട​യു​ന്ന​ത് പ​രി​ഗ​ണ​ന​യി​ലാ​ണ്. കു​വൈ​ത്തി​ലു​ള്ള​വ​രു​ടെ​യും രാ​ജ്യ​ത്തേ​ക്ക് വ​രു​ന്ന​വ​രു​ടെ​യും ക​ണ്ണ്, വി​ര​ല​ട​യാ​ളം എ​ന്നി​വ രേ​ഖ​പ്പെ​ടു​ത്തു​ന്ന​തി​ലൂ​ടെ സു​ര​ക്ഷി​ത​മാ​യ ഇ​ല​ക്ട്രോ​ണി​ക് ഇ​ൻ​ഫ​ർ​മേ​ഷ​ൻ ബാ​ങ്ക് സ്ഥാ​പി​ക്കാ​നും വ്യാ​ജ രേ​ഖ ഉ​പ​യോ​ഗി​ച്ച് രാ​ജ്യ​ത്തെ​ത്തു​ന്ന​ത് ത​ട​യാ​നു​മാ​ണ് ല​ക്ഷ്യ​മി​ടു​ന്ന​ത്.

ഒ​ന്ന​ര ല​ക്ഷ​ത്തി​ല​ധി​കം വി​ദേ​ശി​ക​ളും 16000 കു​വൈ​ത്തി​ക​ളും ബ​യോ​മെ​ട്രി​ക് ര​ജി​സ്ട്രേ​ഷ​ൻ ന​ട​ത്താ​നു​ണ്ടെ​ന്ന് ക​ഴി​ഞ്ഞ ദി​വ​സം അ​ധി​കൃ​ത​ർ അ​റി​യി​ച്ചി​രു​ന്നു. ര​ജി​സ്ട്രേ​ഷ​ൻ ന​ട​ത്തി​യി​ല്ലെ​ങ്കി​ൽ നാ​ട്ടി​ലേ​ക്കു​ള്ള യാ​ത്ര മു​ട​ങ്ങു​മെ​ന്ന​തി​നാ​ൽ വി​ദേ​ശി​ക​ളി​ൽ ഇ​നി ബാ​ക്കി​യു​ള്ള​വ​ർ എ​ത്ര​യും വേ​ഗം ര​ജി​സ്റ്റ​ർ ചെ​യ്യു​ന്ന​താ​ണ് ഉ​ചി​തം. ആ​റ് ഗ​വ​ർ​ണ​റേ​റ്റി​ലും ബ​യോ​മെ​ട്രി​ക് ര​ജി​സ്ട്രേ​ഷ​ന് നി​ശ്ചി​ത കേ​ന്ദ്ര​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്.

മെ​റ്റ പ്ലാ​റ്റ്‌​ഫോം, സ​ഹ​ൽ ആ​പ്ലി​ക്കേ​ഷ​ൻ എ​ന്നി​വ​യി​ൽ അ​പ്പോ​യി​ന്‍റ്മെ​ന്‍റ് ബു​ക്ക് ചെ​യ്താ​ണ് ബ​യോ​മെ​ട്രി​ക് ന​ട​പ​ടി​ക​ൾ​ക്ക് അ​ത​ത് സെ​ന്റ​റു​ക​ളി​ൽ എ​ത്തേ​ണ്ട​ത്.