ഇ-തട്ടിപ്പിനെതിരെ ജാഗ്രത വേണം; വ്യാപാരികൾക്ക് കു​വൈ​ത്തി​ന്റെ മുന്നറിയിപ്പ്

കു​വൈ​ത്ത് സി​റ്റി: ഇ-​ത​ട്ടി​പ്പി​നെ​തി​രെ ജാ​ഗ്ര​ത പു​ല​ർ​ത്താ​ൻ വ്യാ​പാ​രി​ക​ൾ​ക്കും ഓ​ഹ​രി ഉ​ട​മ​ക​ൾ​ക്കും സ്റ്റോ​ക്ക് എ​ക്സ്ചേ​ഞ്ചാ​യ ബൂ​ർ​സ കു​വൈ​ത്തി​ന്റെ മു​ന്ന​റി​യി​പ്പ്. സ്റ്റോ​ക്ക് മാ​ർ​ക്ക​റ്റ് ജീ​വ​ന​ക്കാ​രു​ടെ ​പേ​രി​ൽ ആ​ൾ​മാ​റാ​ട്ടം ന​ട​ത്താ​നു​ള്ള ശ്ര​മ​ങ്ങ​ൾ ന​ട​ക്കു​ന്നു​ണ്ടെ​ന്നും ബൂ​ർ​സ അ​റി​യി​ച്ചു.

ഓ​ഹ​രി വി​നി​മ​യ കേ​ന്ദ്രം ജീ​വ​ന​ക്കാ​ർ ഉ​ദ്യോ​ഗ​സ​ഥ​ർ എ​ന്നി​വ​രു​ടെ പേ​രി​ൽ വ്യാ​ജ ഇ ​മെ​യി​ലു​ക​ളി​ൽ, സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ൾ എ​ന്നി​വ​യി​ലൂ​ടെ ഓ​ൺ​ലൈ​ൻ ഇ​ട​പാ​ടു​ക​ൾ ന​ട​ത്താ​ൻ ശ്ര​മി​ക്കു​ന്നു​ണ്ട്. ഇ​ത്ത​രം പ്ര​വൃ​ത്തി​ക​ൾ ശ്ര​ദ്ധ​യി​ൽ ​പെ​ട്ടാ​ൽ ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് റി​പ്പോ​ർ​ട്ട് ചെ​യ്യ​ണം. കു​റ്റ​വാ​ളി​ക​ളെ ക​ണ്ടെ​ത്തു​ന്ന​തി​നും അ​റ​സ്റ്റ് ചെ​യ്യു​ന്ന​തി​നും വ്യാ​പാ​രി​ക​ളും ഇ​ട​പാ​ടു​കാ​രും ശ്ര​ദ്ധ​പു​ല​ർ​ത്ത​ണം.

നി​ഗൂ​ഢ​മാ​യി തോ​ന്നു​ന്ന ഇ​ട​പാ​ടു​ക​ൾ ഒ​ഴി​വാ​ക്ക​ണ​മെ​ന്നും ബൂ​ർ​സ കു​വൈ​ത്ത് വ്യ​ക്ത​മാ​ക്കി. ബൂ​ർ​സ കു​വൈ​ത്ത് ഓ​ൺ​ലൈ​ൻ ഇ​ട​പാ​ടു​ക​ൾ, വ്യ​ക്തി​ഗ​ത അ​ല്ലെ​ങ്കി​ൽ സാ​മ്പ​ത്തി​ക വി​വ​ര​ങ്ങ​ൾ എ​ന്നി​വ ഓ​ഹ​രി ഉ​ട​മ​ക​ളി​ൽ​നി​ന്ന് നേ​രി​ട്ട് ആ​വ​ശ്യ​പ്പെ​ടി​െ​ല്ല​ന്നും അ​റി​യി​ച്ചു. ഇ​ട​പാ​ടു​ക​ളു​ടെ നി​യ​മ​സാ​ധു​ത സ്ഥി​രീ​ക​രി​ക്കു​ന്ന​തി​നും വ​ഞ്ച​ന​യു​ണ്ടാ​യാ​ൽ, പ്ര​ശ്‌​നം ശ​രി​യാ​യ അ​ധി​കാ​രി​ക​ൾ​ക്ക് റ​ഫ​ർ ചെ​യ്യു​ന്ന​തി​നും ഫോ​ൺ വ​ഴി​യോ Compliance@boursakuwait.com.kw വ​ഴി​യോ വി​വ​രം അ​റി​യി​ക്കാം.