ഒരു ചതിയുടെ നോവും, കാരുണ്യത്തി​െൻറ കുളിരും; ജിതിൻ നാടണഞ്ഞു

കുവൈത്ത്​ സിറ്റി: ഒരു ചതിയുടെ നോവുമാറ്റാൻ കാരുണ്യത്തി​​െൻറ കുളിരിന്​ കഴിയുമെന്ന്​ ജിതിൻ സാക്ഷ്യം പറയുന്നു. സ്വപ്​നങ്ങളുടെ ഭാണ്ഡവുമായി കുവൈത്തിലെത്തി മൂന്നുമാസത്തിന്​ ശേഷം കയ്യിലൊന്നുമില്ലാതെ മടങ്ങു​​േമ്പാളും ജിതിന്​ ദുഃഖമില്ല. പട്ടിണിയുടെ നാളുകളിൽ അന്നവുമായി എത്തിയ മനുഷ്യത്വത്തിനും വിമാന ടിക്കറ്റ്​ നൽകി കാരുണ്യത്തി​​െൻറ ചിറകുവിരിച്ച ‘മിഷൻ വിങ്​സ്​ ഒാഫ്​ കംപാഷനും’ നന്ദി പറഞ്ഞ്​ ജിതിൻ നാട്ടിലേക്ക്​ വിമാനം കയറി; ആത്​മവിശ്വാസം ഒട്ടും ചോരാതെ. 

‘ഞാൻ ചെറുപ്പമാണ്​. മുന്നോട്ടുള്ള ജീവിതത്തിൽ കൈവിളക്കാവുന്ന അനുഭവങ്ങളാണ്​ കുവൈത്ത്​ സമ്മാനിച്ചത്​, എല്ലാവരോടും ഹൃദയം നിറഞ്ഞ നന്ദിയുണ്ട്​’’. ഇൗ യുവാവി​​െൻറ വാക്കുകളിൽ ശുഭചിന്തകൾ മാത്രം. 

തൃശൂർ ചാവക്കാട്​ തിരുവത്ര സ്വദേശി ജിതിൻ ബിരുദ പഠനത്തിന്​ ശേഷം ക്ലീനിങ്​ കമ്പനിയിൽ സൂപ്പർവൈസർ തസ്​തികയിലേക്ക്​ എന്ന്​ പറഞ്ഞാണ്​ വിസയെടുത്തത്​. 70,000 രൂപ ഏജൻറിന്​ കൊടുത്തു. 
ഇവിടെയെത്തിയപ്പോൾ ജോലി സാധാരണ ക്ലീനിങ്​ തൊഴിലാളിയുടേത്​. ശമ്പളം പറഞ്ഞതിനേക്കാൾ കുറവും. എട്ടുമണിക്കൂർ ജോലിസമയം എന്നായിരുന്നു വാഗ്​ദാനമെങ്കിലും 12 മണിക്കൂർ ജോലിയെടുക്കണം. ഒാവർടൈം അലവൻസൊന്നും ലഭിക്കുകയുമില്ല. 

എന്തിനാണ്​ ഇങ്ങോട്ടുവന്നതെന്ന്​ കൂടെ ജോലി ചെയ്യുന്നവർ ഉൾപ്പെടെ പറഞ്ഞു. ഏത്​ ജോലിക്കും അന്തസ്സ്​ ഉണ്ടെന്ന്​ ബോധ്യമുണ്ടെങ്കിലും വഞ്ചനക്ക്​ നിന്നുകൊടുക്കേണ്ടെന്ന്​ ആത്​മാഭിമാനമുള്ള ജിതിൻ തീരുമാനിച്ചു. വന്ന്​ മൂന്നാം ദിവസം തന്നെ ഇൗ ജോലി ചെയ്യാൻ കഴിയില്ലെന്ന്​ പറഞ്ഞു. നിർഭാഗ്യവശാൽ ആ സമയത്താണ്​ കോവിഡ്​ പ്രതിസന്ധി വന്നത്​. ജോലി കണ്ടുപിടിക്കുന്നത്​ പോയിട്ട്​ പുറത്തിറങ്ങാൻ പോലും കഴിയാത്ത അവസ്ഥ. വിശന്നുവലഞ്ഞ നാളുകളിൽ ടീം വെൽഫെയർ പ്രവർത്തകർ, സാമൂഹിക പ്രവർത്തകരായ സുശീല, സക്കീർ പുത്തൻപാലത്ത്​, നവാസ്​ തുടങ്ങിയവർ സഹായത്തിനെത്തി. 

ജിതിൻ കണ്ണൂർ എക്​സ്​പാട്രിയറ്റ്​സ്​ അസോസിയേഷൻ എക്​സിക്യൂട്ടീവ്​ അംഗം സുശീല കണ്ണൂർ, സക്കീർ പുത്തൻപാലത്ത്​, നവാസ്​ എന്നിവരോടൊപ്പം

 

നാട്ടിൽ പോവാൻ ടിക്കറ്റിന്​ ഒരു വഴിയും കാണാതിരുന്ന ഘട്ടത്തിൽ ഗൾഫ്​ മാധ്യമവും മീഡിയ വണ്ണും ​ചേർന്ന്​ നടത്തുന്ന ‘മിഷൻ വിങ്​സ്​ ഒാഫ്​ കംപാഷൻ’ പദ്ധതി തുണയായി. ഇൗ പദ്ധതിയിൽ വന്ദേ ഭാരത്​ 
മിഷനിലെ ടിക്കറ്റ്​ നിരക്കായ 80 ദീനാർ മാത്രമേ നൽകാൻ വകയുള്ളൂ. ഇവിടുത്തെ ദുരിതാവസ്ഥയിൽ എത്രയും പെ​െട്ടന്ന്​ നാട്ടിലെത്തേണ്ടതുള്ളതിനാൽ ചാർട്ടർ വിമാനത്തിൽ പോവാൻ തീരുമാനിച്ചു. കണ്ണൂർ എക്​സ്​പാട്രിയറ്റ്​സ്​ അസോസിയേഷൻ എക്​സിക്യൂട്ടീവ്​ അംഗവും വനിത കൺവീനറുമായ സുശീല കണ്ണൂർ 
ബാക്കി തുക നൽകി. അങ്ങനെ നിറഞ്ഞ ഹൃദയവുമായി ജിതിൻ വെള്ളിയാഴ്​ച വിമാനം കയറി. പുതിയ തീരങ്ങളിൽ ജീവിതം കരുപ്പിടിപ്പിക്കാമെന്ന ഉറച്ച പ്രതീക്ഷയുമായി.