ഔഖാഫ് എക്സലൻസി അവാർഡ് പ്രഖ്യാപിച്ചു
text_fieldsകുവൈത്ത് സിറ്റി: ഔഖാഫ് മന്ത്രാലയത്തിലെ പ്രമുഖ ബഹുമതിയായ തമയുസ് എക്സലൻസി അവാർഡിന്റെ 2021 വർഷത്തെ അവാർഡുകൾ പ്രഖ്യാപിച്ചു. ഔഖാഫ് മന്ത്രാലയത്തിന്റെ മേൽനോട്ടത്തിൽ ഇസ്ലാഹീ സെന്റർ സംഘടിപ്പിച്ച സ്നേഹ സംഗമം പരിപാടിക്ക് ഔഖാഫ് മന്ത്രാലയത്തിന്റെ ഏറ്റവും നല്ല സംരംഭങ്ങളിൽ രണ്ടാം സ്ഥാനം ലഭിച്ചു.
ഔഖാഫിൽ ഇതര ഭാഷാ വിഭാഗങ്ങളിലെ ദഅവാ സംരംഭങ്ങളെ നിയന്ത്രിക്കുന്ന 'മുറാഖബത്തുൽ ജാലിയാത്ത്' മറ്റു ഡിപ്പാർട്ട്മെന്റുകളെ മറികടന്ന് 2021 വർഷത്തെ മികച്ച സംരംഭത്തിനുള്ള അവാർഡിൽ രണ്ടാം സ്ഥാനം കരസ്ഥമാക്കുകയായിരുന്നു.
ഔഖാഫ് അണ്ടർ സെക്രട്ടറി ഫരീദ് അസദ് ഇമാദിയുടെ സാനിധ്യത്തിൽ, മസാജിദുകളുടെ വകീൽ ബദർ അൽ ഉതൈബിയിൽ നിന്നും മുറാഖബതുൽ ജാലിയാത്തിനായി മുറാഖിബ് യൂസുഫ് ശുഐബ്, ജാലിയാത്ത് ലജ്ന അംഗം അബ്ദുറഹ്മാൻ അബ്ദുല്ലത്തീഫ്, അഡ്മിനിസ്ട്രെറ്റർ മുഹമ്മദ് അലി, സെക്രട്ടറി ജമാൽ എന്നിവർ ബഹുമതി ഏറ്റുവാങ്ങി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.