പ്രവാസി ക്വാറന്‍റീൻ ഒഴിവാക്കുക; ട്വിറ്ററിൽ ഹാഷ്​ ടാഗ്​ കാമ്പയിൻ

കുവൈത്ത്​ സിറ്റി: പ്ര​വാ​സി ക്വാ​റ​ന്‍റീ​ൻ ഒ​ഴി​വാ​ക്കു​ക (Revoke Pravasi Quarantine) എ​ന്ന ഹാ​ഷ്​ ടാ​ഗി​ൽ ട്വി​റ്റ​റി​ൽ കാ​മ്പ​യി​ൻ. പ്ര​വാ​സി​ക​ളും നാ​ട്ടി​ലു​ള്ള​വ​രു​മ​ട​ക്കം കാ​മ്പ​യി​ൻ ഏ​റ്റെ​ടു​ത്ത​തോ​ടെ നൂ​റു​ക​ണ​ക്കി​നാ​ളു​ക​ളാ​ണ്​ ട്വി​റ്റ​റി​ൽ പ്ര​തി​ഷേ​ധ പോ​സ്റ്റ്​ ഇ​ട്ടി​രി​ക്കു​ന്ന​ത്. നാ​ട്ടി​ലെ​ത്തു​ന്ന പ്ര​വാ​സി​ക​ൾ ഏ​ഴു​ദി​വ​സം ക്വാ​റ​ന്‍റീ​നി​ൽ ക​ഴി​യ​ണ​മെ​ന്ന കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ നി​ർ​ദേ​ശ​ത്തി​നെ​തി​രെ​യാ​ണ്​ കാ​മ്പ​യി​നി​ൽ പ്ര​തി​ഷേ​ധ​മി​ര​മ്പു​ന്ന​ത്. പ്ര​വാ​സി​ക​ൾ​ക്കാ​യി​ ക്വാ​റ​ന്‍റീ​ൻ നി​ർ​ദേ​ശം പു​റ​പ്പെ​ടു​വി​ച്ച​തി​ന്​ തൊ​ട്ടു​പി​ന്നാ​ലെ എ​ട​പ്പാ​ൾ പാ​ലം ഉ​ദ്​​ഘാ​ട​ന​ത്തി​ന്​ സം​സ്ഥാ​ന സ​ർ​ക്കാ​റി​ന്‍റെ നേ​തൃ​ത്വ​ത്തി​ൽ ത​ന്നെ ആ​യി​ര​ങ്ങ​ൾ ത​ടി​ച്ചു​കൂ​ടി​യ​തോ​ടെ​യാ​ണ്​ പ്ര​വാ​സി​ക​ൾ പ്ര​തി​ഷേ​ധം ക​ടു​പ്പി​ച്ച​ത്.

ദി​വ​സ​വും ഇ​ന്ത്യ​യി​ലെ വി​മാ​ന​ത്താ​വ​ള​ങ്ങ​ളി​ൽ വി​ദേ​ശ​ത്തു​നി​ന്ന്​ ല​ക്ഷ​ക്ക​ണ​ക്കി​നാ​ളു​ക​ൾ എ​ത്തു​ന്നു​ണ്ടെ​ന്നും ഇ​വ​രി​ൽ ഒ​രു ശ​ത​മാ​ന​ത്തി​നു​പോ​ലും ഒ​മി​ക്രോ​ൺ സ്ഥി​രീ​ക​രി​ച്ചി​ട്ടി​​ല്ലെ​ന്നും അ​തി​ന്‍റെ പേ​രി​ൽ എ​ല്ലാ​വ​​ർ​ക്കും ക്വാ​റ​ന്‍റീ​ൻ ഏ​ർ​പെ​ടു​ത്തു​ന്ന​ത്​ നീ​തീ​ക​രി​ക്കാ​നാ​വി​ല്ലെ​ന്നും ട്വി​റ്റ​ർ പോ​സ്റ്റു​ക​ളി​ൽ പ​റ​യു​ന്നു.

കോ​വി​ഡ്​ ആ​ദ്യം പ​ട​ർ​ന്നു​പി​ടി​ച്ച സ​മ​യ​ത്ത്​ പ്ര​വാ​സി​ക​ളെ ദ്രോ​ഹി​ച്ച സ​ർ​ക്കാ​റു​രു​ക​ൾ ഒ​മി​ക്രോ​ണി​ന്‍റെ പേ​രി​ലും പ്ര​വാ​സി ദ്രോ​ഹ ന​ട​പ​ടി​ക​ൾ തു​ട​രു​ക​യാ​ണെ​ന്ന്​ ചി​ല​ർ കു​റ്റ​പ്പെ​ടു​ത്തു​ന്നു. കോ​വി​ഡി​നെ പ്ര​തി​രോ​ധി​ക്കാ​ൻ ക​ടു​ത്ത ന​ട​പ​ടി​ക​ളെ​ടു​ക്കു​ന്നു എ​ന്ന്​ വ​രു​ത്തി​ത്തീ​ർ​ക്കാ​നാ​ണ്​ പ്ര​വാ​സി​ക​ളെ ബ​ലി​യാ​ടാ​ക്കു​ന്ന​ത്​ എ​ന്നാ​ണ്​ ചി​ല ട്വീ​റ്റു​ക​ളി​ൽ പ​റ​യു​ന്ന​ത്. കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളെ ഒ​രു​പോ​ലെ കു​റ്റ​പ്പെ​ടു​ത്തി​യാ​ണ്​ ട്വീ​റ്റു​ക​ൾ പ​റ​ക്കു​ന്ന​ത്. അ​തേ​സ​മ​യം, എ​ട​പ്പാ​ൾ പാ​ലം ഉ​ദ്​​ഘാ​ട​ന​ത്തി​ന്​ ആ​യി​ര​ങ്ങ​ൾ പ​​ങ്കെ​ടു​ക്കു​ന്ന​തി​ന്‍റെ ചി​ത്ര​ങ്ങ​ളും പോ​സ്റ്റ്​ ചെ​യ്താ​ണ്​ ചി​ല​രു​ടെ പ്ര​തി​ഷേ​ധം. പ്ര​വാ​സി ഭാ​ര​തീ​യ ദി​വ​സി​ന്‍റെ പ്ര​ത്യേ​ക​ത​യെ​ന്താ​ണെ​ന്നും ഈ ​ദി​വ​സം പോ​ലും പ്ര​വാ​സി​ക​ളെ ദ്രോ​ഹി​ക്കു​ക​യാ​ണെ​ന്നും ചി​ല ട്വീ​റ്റു​ക​ളി​ലു​ണ്ട്. വി​ഡി​യോ​ക​ളും ആ​നി​മേ​ഷ​നും കാ​ർ​ട്ടൂ​ണു​ക​ളും പ​ങ്കു​വെ​ച്ചും പ്ര​തി​ഷേ​ധി​ക്കു​ന്നു. പ്ര​ധാ​ന​മ​ന്ത്രി, മു​ഖ്യ​മ​ന്ത്രി​യു​ടെ ഓ​ഫി​സ്, കേ​ന്ദ്ര ആ​രോ​ഗ്യ മ​ന്ത്രാ​ല​യം, വി​ദേ​ശ​കാ​ര്യ സ​ഹ​മ​​ന്ത്രി വി. ​മു​ര​ളീ​ധ​ര​ൻ തു​ട​ങ്ങി​യ​വ​രെ ടാ​ഗ്​ ചെ​യ്താ​ണ്​ കാ​മ്പ​യി​ൻ ന​ട​ക്കു​ന്ന​ത്. വി​ദേ​ശ​ത്തു​നി​ന്ന്​ നാ​ട്ടി​ലെ​ത്തു​ന്ന​വ​ർ​ക്ക്​ ഏ​ഴു​ദി​വ​സ​മാ​ണ്​ ക്വാ​റ​ന്‍റീ​ൻ ഏ​ർ​പ്പെ​ടു​ത്തി​യി​രി​ക്കു​ന്ന​ത്. ഏ​ഴു​ദി​വ​സ​ത്തി​ന്​ ശേ​ഷം ടെ​സ്റ്റ്​ ന​ട​ത്തി ഏ​ഴു​ ദി​വ​സം കൂ​ടി സ്വ​യം നി​രീ​ക്ഷ​ണ​ത്തി​ൽ ക​ഴി​യ​ണ​മെ​ന്നും സ​ർ​ക്കാ​ർ നി​ർ​ദേ​ശ​മു​ണ്ട്.