ശ​രാ​ശ​രി പ്ര​തി​മാ​സ ശ​മ്പ​ളം; കു​വൈ​ത്തി​ന് നാ​ലാം​സ്ഥാ​നം

കു​വൈ​ത്ത് സി​റ്റി: ശ​രാ​ശ​രി പ്ര​തി​മാ​സ ശ​മ്പ​ളം ന​ൽ​കു​ന്ന പ​ട്ടി​ക​യി​ൽ കു​വൈ​ത്ത് മു​ന്നി​ൽ. പ​ട്ടി​ക​യി​ൽ അ​റ​ബ് ലോ​ക​ത്ത് നാ​ലാ​മ​തും ആ​ഗോ​ള​ത​ല​ത്തി​ൽ 26ാം സ്ഥാ​ന​ത്തു​മാ​ണ് കു​വൈ​ത്ത്. അ​മേ​രി​ക്ക​ൻ മാ​സി​ക​യാ​യ 'സി.​ഇ.​ഒ വേ​ൾ​ഡ്'​ആ​ണ് ഇ​തു​സം​ബ​ന്ധി​ച്ച പ​ട്ടി​ക പ്ര​സി​ദ്ധീ​ക​രി​ച്ച​ത്.

'സി.​ഇ.​ഒ വേ​ൾ​ഡ്'​ക​ണ​ക്ക് പ്ര​കാ​രം കു​വൈ​ത്തി​ലെ ശ​രാ​ശ​രി പ്ര​തി​മാ​സ ശ​മ്പ​ളം 1854.45 ഡോ​ള​ർ ആ​ണെ​ന്ന് അ​ൽ​റാ​യി പ​ത്രം റി​പ്പോ​ർ​ട്ട് ചെ​യ്തു. അ​റ​ബ് ലോ​ക​ത്തെ പ​ട്ടി​ക​യി​ൽ യു.​എ.​ഇ​യാ​ണ് ഒ​ന്നാ​മ​ത്. ആ​ഗോ​ള​ത​ല​ത്തി​ൽ യു.​എ.​ഇ അ​ഞ്ചാം സ്ഥാ​ന​വും നേ​ടി. യു.​എ.​ഇ.​യി​ലെ ശ​രാ​ശ​രി പ്ര​തി​മാ​സ​ശ​മ്പ​ളം പ​ട്ടി​ക അ​നു​സ​രി​ച്ച്, 3663.27 ഡോ​ള​ർ ആ​ണ്. അ​റ​ബ് ലോ​ക​ത്ത് ഖ​ത്ത​റാ​ണ് ര​ണ്ടാം സ്ഥാ​ന​ത്ത്. ആ​ഗോ​ള​ത​ല​ത്തി​ൽ ഖ​ത്ത​ർ 11ാം സ്ഥാ​ന​ത്താ​ണ്. ശ​രാ​ശ​രി 3168.05 ഡോ​ള​റാ​ണ് ഖ​ത്ത​റി​ലെ പ്ര​തി​മാ​സ ശ​മ്പ​ളം.

1,888.68 ഡോ​ള​ർ ശ​രാ​ശ​രി പ്ര​തി​മാ​സ ശ​മ്പ​ളം ന​ൽ​കു​ന്ന സൗ​ദി അ​റേ​ബ്യ പ​ട്ടി​ക​യി​ൽ ലോ​ക​ത്ത് മൂ​ന്നാ​മ​തും ആ​ഗോ​ള​ത​ല​ത്തി​ൽ 25ാമ​തു​മാ​ണ്. നാ​ലാം​സ​ഥാ​ന​ത്തു​ള്ള കു​വൈ​ത്തി​ന് പി​റ​കെ അ​റ​ബ് ലോ​ക​ത്ത് ബ​ഹ്റൈ​ൻ അ​ഞ്ചാം സ​ഥാ​ന​ത്തെ​ത്തി.

ആ​ഗോ​ള​ത​ല​ത്തി​ൽ 28ാം സ​ഥാ​ന​മാ​ണ് ബ​ഹ്റൈ​ൻ. 1,728.74, ഡോ​ള​റാ​ണ് ശ​രാ​ശ​രി പ്ര​തി​മാ​സ ശ​മ്പ​ള​മാ​യി ക​ണ​ക്കാ​ക്കു​ന്ന​ത്. ഒ​മാ​ൻ അ​റ​ബ് ലോ​ക​ത്ത് ആ​റാ​മ​തും ആ​ഗോ​ള​ത​ല​ത്തി​ൽ 30ാം സ​ഥാ​ന​ത്തു​മാ​ണ്.സി.​ഇ.​ഒ വേ​ൾ​ഡ് അ​നു​സ​രി​ച്ച് കു​റ​ഞ്ഞ ശ​രാ​ശ​രി ശ​മ്പ​ള​മു​ള്ള അ​റ​ബ് രാ​ജ്യ​ങ്ങ​ളി​ൽ ഏ​റ്റ​വും പി​റ​കി​ൽ ഈ​ജി​പ്താ​ണ്. ആ​ഗോ​ള​ത​ല​ത്തി​ൽ 100-ാം സ്ഥാ​ന​ത്താ​ണ് ഈ​ജി​പ്ത്. അ​ൽ​ജീ​രി​യ- 98, തു​നീ​ഷ്യ- 96 എ​ന്നി​ങ്ങ​നെ​യാ​ണ് പ​ട്ടി​ക​യി​ൽ സ​ഥാ​നം.

ഏ​റ്റ​വും ചെ​റി​യ ശ​രാ​ശ​രി പ്ര​തി​മാ​സ ശ​മ്പ​ള​വു​മാ​യി ശ്രീ​ല​ങ്ക പ​ട്ടി​ക​യു​ടെ ഏ​റ്റ​വും അ​വ​സാ​ന സ്ഥാ​ന​ത്താ​ണ്.

സ്വി​റ്റ്സ​ർ​ല​ൻ​ഡ്, സിം​ഗ​പ്പൂ​ർ, ആ​സ്ട്രേ​ലി​യ, അ​മേ​രി​ക്ക, യു.​എ.​ഇ എ​ന്നി​ങ്ങ​നെ​യാ​ണ് ആ​ഗോ​ള​പ​ട്ടി​ക​യി​ൽ മു​ൻ​നി​ര​യി​ലു​ള്ള രാ​ജ്യ​ങ്ങ​ൾ.