പ്ര​വാ​സി​ക​ളു​​ടെ ശ്ര​ദ്ധ​ക്ക്; അ​ജ്ഞാ​ത​രെ വി​ശ്വ​സി​ക്ക​രു​ത്...

കു​വൈ​ത്ത് സി​റ്റി: ചെ​റി​യ ഒ​രു ഉ​പ​കാ​ര​മ​ല്ലേ എ​ന്നു ക​രു​തി അജ്ഞാ​ത​രെ സ​ഹാ​യി​ക്കാ​നും എ​ന്തെ​ന്ന് ഉ​റ​പ്പി​ല്ലാ​ത്ത വ​സ്തു​ക്ക​ൾ കൈ​പ​റ്റാ​നും തു​നി​യു​ന്ന​വ​ർ ഒ​രു​നി​മി​ഷം ചി​ന്തി​ക്കു​ക. നി​ങ്ങ​ൾ അ​റി​യാ​തെ ആ​ണെ​ങ്കി​ലും, സ​ഹാ​യി​ക്കു​ന്ന​ത് നി​യ​മ​വി​രു​ദ്ധ​മാ​യ പ്ര​വൃത്തി​യെ ആ​ണെ​ങ്കി​ൽ ന​ട​പ​ടി​ക​ൾ നേ​രി​ടേ​ണ്ടി​വ​രും. കു​വൈ​ത്തി​ൽ മ​റ്റൊ​രാ​ളെ സ​ഹാ​യി​ക്കാ​ൻ ശ്ര​മി​ച്ച മ​ല​പ്പു​റം സ്വ​ദേ​ശി​യാ​യ ടാ​ക്സി ഡ്രൈ​വ​ർ അ​ടു​ത്തി​ടെ ഇ​ത്ത​രം വ​ലി​യ കു​രു​ക്കി​ൽ അ​ക​പ്പെ​ട്ടു. ര​ണ്ടു മാ​സ​ത്തോ​ളം നീ​ണ്ട ന​ട​പ​ടി​ക​ൾ​ക്കു​ശേ​ഷം ക​ഴി​ഞ്ഞ ദി​വ​സ​മാ​ണ് നി​ര​പ​രാ​ധി​യാ​യ ഇ​ദ്ദേ​ഹ​ത്തി​ന് നി​യ​മന​ട​പ​ടി​ക​ളി​ൽനി​ന്ന് മോ​ചി​ത​നാ​യി നാ​ട്ടി​ലേ​ക്ക് തി​രി​ക്കാ​നാ​യ​ത്.

20 വ​ർ​ഷ​ത്തോ​ള​മാ​യി കു​വൈ​ത്തി​ൽ ടാ​ക്സി ഡ്രൈ​വ​റാ​യി ജോ​ലിചെ​യ്യു​ന്ന വ​ളാ​ഞ്ചേ​രി സ്വ​ദേ​ശി​യാ​ണ് ജോ​ലി​ക്കി​ടെ അ​റി​യാ​തെ നി​യ​മ​ക്കു​രു​ക്കി​ൽ അ​ക​പ്പെ​ട്ട​ത്. ഫെ​ബ്രു​വ​രി ആ​റി​നാ​യി​രു​ന്നു സം​ഭ​വം. ജോ​ലി​ക്കി​ടെ സ്ഥി​രം ക​സ്റ്റ​മ​റാ​യ ബം​ഗ്ലാ​ദേ​ശ് സ്വ​ദേ​ശി ഇ​ദ്ദേ​ഹ​ത്തെ ഫോ​ണി​ൽ വി​ളി​ച്ച് ഹ​ദി​യ​യി​ലെ വീ​ട്ടി​ൽനി​ന്ന് ഒ​രു മ​രു​ന്ന് മെ​ഹ​ബൂ​ല​യി​ൽ എ​ത്തി​ക്കാ​നാ​കു​മോ എ​ന്ന് അ​ന്വേ​ഷി​ച്ചു. ബം​ഗ്ലാ​ദേ​ശ് സ്വ​ദേ​ശി​യെ നേ​ര​ത്തേ അ​റി​യു​ന്ന​തി​നാ​ൽ ടാ​ക്സി​യി​ൽ ഹ​ദി​യ​യി​ൽ എ​ത്തി അ​ദ്ദേ​ഹ​ത്തി​ന്റെ ഭാ​ര്യ​യി​ൽനി​ന്ന് സാ​ധ​നം വാ​ങ്ങി. മെ​ഹ​ബൂ​ല​യി​ലേ​ക്ക് തി​രി​ച്ചു. അ​വി​ടെ ഒ​രാ​ൾ എ​ത്തി വ​സ്തു കൈ​പ​റ്റു​മെ​ന്നാ​യി​രു​ന്നു ആ ​സ​മ​യം നാ​ട്ടി​ലാ​യി​രു​ന്ന ബം​ഗ്ലാ​ദേ​ശ് സ്വ​ദേ​ശി പ​റ​ഞ്ഞി​രു​ന്ന​ത്.

എ​ന്നാ​ൽ, കാ​റു​മാ​യി മെ​ഹ​ബൂ​ല​യി​ൽ എ​ത്തി​യ​തി​നു പി​റ​കെ സി.​ഐ.​ഡി ഇ​ദ്ദേ​ഹ​ത്തെ പി​ടി​കൂ​ടി കാ​റി​ലു​ള്ള വ​സ്തു പി​ടി​ച്ചെ​ടു​ത്തു. നി​രോ​ധി​ത വ​സ്തു​വാ​യ അ​ബോ​ർ​ഷ​ൻ ഗു​ളി​ക​യാ​ണ് പാ​ക്ക​റ്റി​ൽ എ​ന്ന് അ​പ്പോ​ഴാ​ണ് വ​ളാ​ഞ്ചേ​രി സ്വ​ദേ​ശി​ക്ക് മ​ന​സ്സി​ലാ​യ​ത്. പാ​ക്ക​റ്റി​ൽ നി​ന്ന് 25 ഗു​ളി​ക​ക​ൾ പൊ​ലീ​സ് ക​ണ്ടെ​ടു​ത്തു. ഈ ​സ​മ​യം സാ​ധ​നം വാ​ങ്ങാ​നെ​ത്തി​യ ആ​ൾ ര​ക്ഷ​പ്പെ​ടു​ക​യും ചെ​യ്തു. ഇ​തോ​ടെ വ​ളാ​ഞ്ചേ​രി സ്വ​ദേ​ശി​ക്ക് ത​ന്റെ നി​ര​പ​രാ​ധി​ത്തം തെ​ളി​യി​ക്കാ​നാ​യി​ല്ല. തു​ട​ർ​ന്ന് അ​ദ്ദേ​ഹ​ത്തെ അ​ബൂ​ഹ​ലീ​ഫ പൊ​ലീ​സ് സ്റ്റേ​ഷ​നി​ൽ എ​ത്തി​ച്ചു. ബം​ഗ്ലാ​ദേ​ശ് സ്വ​ദേ​ശി സ്ഥ​ല​ത്തി​ല്ലാ​ത്ത​തി​നാ​ൽ ആ ​നി​ല​ക്കും ശ്ര​മം ന​ട​ത്താ​നാ​യി​ല്ല.

ഇ​തി​നി​ടെ വ​ളാ​ഞ്ചേ​രി അ​സോ​സി​യേ​ഷ​ൻ ഓ​ഫ് കു​വൈ​ത്ത് (വാ​ക്ക്) അം​ഗ​ങ്ങ​ൾ പ്ര​ശ്ന​ത്തി​ൽ ഇ​ട​പെ​ടു​ക​യും സ്‍പോൺസ​റെ​യും മ​റ്റും ക​ണ്ട് കാ​ര്യ​ങ്ങ​ൾ ബോ​ധി​പ്പി​ച്ച് സ്റ്റേ​ഷ​നി​ൽ നി​ന്ന് ന​ട​പ​ടി​ക​ൾ അ​വ​സാ​നി​പ്പി​ച്ച് നാ​ട്ടി​ൽ അ​യ​ക്കു​ന്ന​തി​നു​ള്ള ശ്ര​മം ആ​രം​ഭി​ച്ചു. ക​ഴി​ഞ്ഞ​ദി​വ​സം ‘വാ​ക്ക്’ ടി​ക്ക​റ്റ് ന​ൽ​കി നാ​ട്ടി​ൽ അ​യ​ക്കു​ക​യും ചെ​യ്തു. കു​വൈ​ത്തി​ൽ ഉ​ണ്ടാ​യി​രു​ന്ന ഇ​ദ്ദേ​ഹ​ത്തി​ന്റെ കു​ടും​ബ​വും വ്യാ​ഴാ​ഴ്ച നാ​ട്ടി​ലേ​ക്ക് തി​രി​ക്കും.