അമേരിക്കൻ സൈനിക വാഹനത്തിനു​ നേരെ ആക്രമണം; പ്രതിക്ക്​​ ജീവപര്യന്തം

കുവൈത്ത്​ സിറ്റി: കുവൈത്തിൽ അമേരിക്കൻ സൈനിക വാഹനത്തിനു​ നേരെ ആക്രമണമുണ്ടായ സംഭവത്തിൽ പ്രതിക്ക്​ ജീവപര്യന്തം തടവുശിക്ഷ. ഇബ്രാഹിം സുലൈമാൻ (32) എന്ന ഇൗജിപ്​ത്​ പൗരനാണ്​ സുപ്രീംകോടതി ശിക്ഷ വിധിച്ചത്​. പ്രതി തീവ്രവാദ സംഘടനയായ ​െഎസിസിൽ ചേരുകയും അമേരിക്കൻ സൈനിക വാഹനത്തിന്​ നേരെ ബോധപൂർവം ആക്രമണം നടത്തുകയും ചെയ്​തതായി കോടതി പറഞ്ഞു. 2016 ഒക്​ടോബറിൽ സിക്​സ്​ത്​ റിങ്​ റോഡിലാണ്​ കേസിനാസ്​പദമായ സംഭവം.

സ്​ഫോടക വസ്​തുക്കൾ നിറച്ച മാലിന്യ ശേഖരണ വാഹനം അഞ്ച്​ അമേരിക്കൻ സൈനികർ സഞ്ചരിച്ച കാറിലേക്ക്​ ഇടിച്ചുകയറ്റുകയായിരുന്നു. കുവൈത്തിൽ അമേരിക്കൻ സൈനികർക്ക്​ നേരെയുണ്ടായ ആദ്യ ആക്രമണമാണിത്​. സംഭവത്തിൽ സൈനികർക്ക്​ പരിക്കേറ്റിരുന്നില്ലെന്നും എന്നാൽ, പ്രതിക്ക്​ എല്ലുകൾ പൊട്ടിയത്​ ഉൾപ്പെടെ പരിക്കുകൾ സംഭവിച്ചിരുന്നതായി കുവൈത്ത്​ വാർത്ത ഏജൻസി റിപ്പോർട്ട്​ ചെയ്​തു.