​െഎ.ടി.ഇ.ഇ ടെക്​ടോക്ക് പരിപാടി ആരംഭിക്കുന്നു

കുവൈത്ത്​ സിറ്റി: ഗൾഫ്​ രാജ്യങ്ങളിലെ ഇന്ത്യൻ സാങ്കേതിക വിദഗ്​ധരുടെ കൂട്ടായ്മയായ ഐ.ടി എക്‌സ്‌പേര്‍ട്‌സ് ആൻഡ്​ എൻജിനീയേഴ്​സ്​ എന്ന ടെക്​ടോക്​ എന്ന പുതിയ പരിപാടി തുടങ്ങുന്നു.

പുതിയ സാങ്കേതിക വാർത്തകൾ, വരാൻ പോവുന്ന വെല്ലുവിളികൾ തുടങ്ങിയവ പാനൽ ചർച്ചകളിലൂടെയും ക്ലാസുകളിലൂടെയും അവതരിപ്പിക്കും.ഓരോ യോഗത്തിനും മുന്നോടിയായി അതതു മേഖലകളിൽ പ്രാവീണ്യമുള്ളവരെ ഗൂഗ്​ൾ ഫോം വഴി തിരഞ്ഞെടുക്കും. തുടക്കത്തിലെ പ്രോഗ്രാം മോഡറേറ്ററായി ഷാജിൽ മേലേതിൽ, റിയസ് ഇബ്രാഹിം എന്നിവരെ തിരഞ്ഞെടുത്തു. സാജിദ് പരിയാരത്ത് അധ്യക്ഷത വഹിച്ച യോഗത്തിൽ മുനീബ് പാഴൂർ സ്വാഗതം പറഞ്ഞു.

ശൈഖ് സലിം, പി.പി. ബഷീർ, അബ്​ദുൽ മജീദ് എന്നിവർ സംസാരിച്ചു. റിയാസ് അഹമ്മദ് നന്ദി പറഞ്ഞു. കൂട്ടായ്മ വാട്സാപ്പ്, ടെലഗ്രാം, ലിങ്ക്​ടിൻ, ഫേസ്ബുക്​, യുട്യൂബ് ചാനൽ മുതലായ പ്ലാറ്റ്​ഫോമുകൾ ഉപയോഗിച്ചാണ്​ ആശയവിനിമയം നടത്തുന്നത്​. കൂടുതൽ വിവരങ്ങള്‍ www.itee.in വെബ്‌സൈറ്റിലും ലഭ്യമാണ്.