അബ്​ദലിയിൽ വെടിയുണ്ടകൾ ഉപേക്ഷിച്ച നിലയിൽ

കുവൈത്ത്​ സിറ്റി: കുവൈത്തിൽ അബ്​ദലി ഭാഗത്ത്​ വെടിയുണ്ടകളുടെ ശേഖരം ഉപേക്ഷിച്ച നിലയിൽ കണ്ടെത്തി.സ്വദേശി ആഭ്യന്തര മന്ത്രാലയത്തി​െൻറ ഒാപറേഷൻ റൂമിൽ വിവരം അറിയിച്ചതനുസരിച്ച്​ ബോംബ്​ നിർമാർജന വിദഗ്​ധർ സ്ഥലം സന്ദർശിച്ച്​ വെടിയുണ്ടകൾ ശേഖരിച്ചു. ഇറാഖ്​ അധിനിവേശകാലത്തെ അവശിഷ്​ടങ്ങൾ ആയിരിക്കാമെന്നും ദീർഘകാലം കൈവശംവെച്ചശേഷം ആരോ ഉപേക്ഷിച്ചതാവാമെന്നുമാണ്​ അധികൃതരുടെ നിഗമനം. നിയമനടപടികൾ ഭയന്ന്​ ഒഴിഞ്ഞ ഭാഗത്ത്​ ഉപേക്ഷിച്ചതാവുമെന്നാണ്​ വിലയിരുത്തൽ. അധികൃതർ കേസെടുത്ത്​ അന്വേഷണം ആരംഭിച്ചു.