എ​ത്തി​യ​ത് വീ​ട്ട​മ്മ​യു​ടെ വി​സ​യി​ൽ; ജോ​ലി ‘ഡോ​ക്ട​ർ’; ക്ലി​നി​ക്കും ചി​കി​ത്സ​യും ന​ട​ത്തിയ വ​നി​ത പി​ടി​യി​ൽ

കു​വൈ​ത്ത് സി​റ്റി: ജ​ലീ​ബ് അ​ൽ ഷു​യൂ​ഖി​ൽ ലൈ​സ​ൻ​സി​ല്ലാ​തെ മെ​ഡി​ക്ക​ൽ ക്ലി​നി​ക്ക് തു​റ​ന്ന് ചി​കി​ത്സ ന​ട​ത്തി​വ​ന്ന മ​ല​യാ​ളി വ​നി​ത അ​റ​സ്റ്റി​ൽ. കു​വൈ​ത്തി​ൽ വീ​ട്ട​മ്മ​യു​ടെ വി​സ​യി​ലെ​ത്തി​യ ഇ​വ​ർ​ക്ക് ഔ​പ​ചാ​രി​ക മെ​ഡി​ക്ക​ൽ യോ​ഗ്യ​ത​ക​ളോ ചി​കി​ത്സ​ക്ക് അ​നു​മ​തി​യോ ഉ​ണ്ടാ​യി​രു​ന്നി​ല്ല. വ​ർ​ഷ​ങ്ങ​ളാ​യി അ​ബ്ബാ​സി​യ​യി​ൽ ക്ലി​നി​ക്ക് ന​ട​ത്തി​വ​രി​ക​യാ​യി​രു​ന്നു.

ഫ​ർ​വാ​നി​യ ഗ​വ​ർ​ണ​റേ​റ്റി​ലെ അ​ന്വേ​ഷ​ണ വ​കു​പ്പി​നു കീ​ഴി​ലു​ള്ള ക്രി​മി​ന​ൽ സെ​ക്യൂ​രി​റ്റി സെ​ക്ട​റും ജ​ലീ​ബ് അ​ൽ​ഷൂ​യൂ​ഖ് ഇ​ൻ​വെ​സ്റ്റി​ഗേ​ഷ​ൻ​സ് യൂ​നി​റ്റും ചേ​ർ​ന്നാ​ണ് പ്ര​തി​യെ പി​ടി​കൂ​ടി​യ​ത്.

പ്ര​തി ലൈ​സ​ൻ​സി​ല്ലാ​ത്ത ക്ലി​നി​ക് ന​ട​ത്തു​ക​യും നി​യ​മ​പ​ര​മാ​യ അം​ഗീ​കാ​ര​മി​ല്ലാ​തെ രോ​ഗി​ക​ളെ ചി​കി​ത്സി​ക്കു​ക​യും ചെ​യ്യു​ന്ന​താ​യി അ​ന്വേ​ഷ​ണ ഉ​ദ്യോ​ഗ​സ്ഥ​ർ ക​ണ്ടെ​ത്തി. ഒ​രു കു​ട്ടി​യെ പ​രി​ശോ​ധി​ക്കു​ന്ന​തി​നി​ടെ​യാ​ണ് പി​ടി​യി​ലാ​യ​ത്.

വി​വി​ധ മ​രു​ന്നു​ക​ൾ, ര​ക്ത സ​മ്മ​ർ​ദ്ദം പ​രി​ശോ​ധി​ക്കു​ന്ന മോ​ണി​റ്റ​റു​ക​ൾ, സ്റ്റെ​ത​സ്കോ​പ്പ് എ​ന്നി​വ ക്ലി​നി​ക്കി​ൽ​നി​ന്ന് ക​ണ്ടെ​ത്തി. ആ​രോ​ഗ്യ മ​ന്ത്രാ​ല​യം മാ​ത്രം വി​ത​ര​ണം ചെ​യ്ത മെ​ഡി​ക്ക​ൽ വ​സ്തു​ക്ക​ളു​ടെ ശേ​ഖ​ര​വും ക​ണ്ടെ​ടു​ത്തു. നാ​ട്ടു​വൈ​ദ്യ​മെ​ന്ന പേ​രി​ലു​ള്ള കാ​പ്‌​സ്യൂ​ളു​ക​ളും ക​ണ്ടെ​ത്തി.

ഔ​പ​ചാ​രി​ക മെ​ഡി​ക്ക​ൽ യോ​ഗ്യ​ത​ക​ളോ ബ​ന്ധ​പ്പെ​ട്ട അ​ധി​കാ​രി​ക​ളു​ടെ ലൈ​സ​ൻ​സോ ഇ​ല്ലാ​തെ​യാ​ണ് ചി​കി​ത്സ ന​ട​ത്തി​വ​ന്നി​രു​ന്ന​തെ​ന്ന് സ്ത്രീ ​ചോ​ദ്യം ചെ​യ്യ​ലി​ൽ സ​മ്മ​തി​ച്ചു. വി​ദേ​ശ​ത്തു​നി​ന്ന് ചി​ല മ​രു​ന്നു​ക​ൾ ഇ​റ​ക്കു​മ​തി ചെ​യ്ത​താ​യും മ​റ്റു​ള്ള​വ പ്രാ​ദേ​ശി​ക ഫാ​ർ​മ​സി​ക​ളി​ൽ​നി​ന്ന് വാ​ങ്ങി​യ​താ​യും വ്യ​ക്ത​മാ​ക്കി.

നേ​ര​ത്തെ അ​ബ്ബാ​സി​യ​യി​ൽ താ​മ​സി​ച്ചി​രു​ന്ന ഇ​വ​ർ ഫ്ലാ​റ്റി​ൽ ചി​കി​ത്സ ന​ട​ത്തി​യി​രു​ന്നു. പി​ന്നീ​ട് സാ​ൽ​മി​യ​യി​ലേ​ക്ക് താ​മ​സം മാ​റ്റു​ക​യും അ​ബ്ബാ​സി​യ​യി​ൽ നി​യ​മ​വി​രു​ദ്ധ​മാ​യി ഹോ​മി​യോ ക്ലി​നി​ക്ക് ആ​രം​ഭി​ക്കു​ക​യു​മാ​യി​രു​ന്നു. ക​ൺ​സ​ൽ​ട്ടേ​ഷ​ന് ഒ​രാ​ളി​ൽ​നി​ന്ന് അ​ഞ്ച് ദീ​നാ​റാ​ണ് ഫീ​സ് ഈ​ടാ​ക്കി​യി​രു​ന്ന​ത്. മ​ല​യാ​ളി​ക​ൾ ഉ​ൾ​പ്പെ​ടെ നി​ര​വ​ധി പേ​ർ ഇ​വ​രു​ടെ ചി​കി​ത്സ തേ​ടി​യി​രു​ന്നു.