അർബുദ ചികിത്സ മരുന്നുകളുടെ കുറവില്ലെന്ന് ആരോഗ്യമന്ത്രാലയം

കുവൈത്ത് സിറ്റി: രാജ്യത്ത് അർബുദ രോഗികൾക്ക് ചികിത്സക്കാവശ്യമായ മുഴുവൻ മരുന്നുകളും ലഭ്യമാണെന്ന് അധികൃതർ. ക ുവൈത്തിൽ അർബുദ മരുന്നുകളുടെ കുറവുണ്ടെന്ന തരത്തിൽ പ്രാദേശിക പത്രത്തിൽവന്ന വാർത്ത നിഷേധിച്ച്​ നടത്തിയ പ്രസ്​താവനയിൽ അർബുദ പ്രതിരോധ സ​െൻറർ മേധാവി ഡോ. ഹുലൂദ് അൽ അലിയാണ് ഇക്കാര്യം വ്യക്തമാക്കിയത്. ചില മരുന്നുകളുടെ കുറവ് ശ്രദ്ധയിൽപ്പെട്ടെങ്കിലും അടിയന്തര പ്രാധാന്യത്തോടെ കഴിഞ്ഞയാഴ്ച അവ ലഭ്യമാക്കിയിട്ടുണ്ട്.

ഇപ്പോൾ അർബുദ ചികിത്സയുമായി ബന്ധപ്പെട്ട ഒരു മരുന്നി​െൻറയും കുറവ് രാജ്യത്തില്ല. അടിസ്​ഥാനരഹിതമായ വാർത്തയാണ് കഴിഞ്ഞ ദിവസം പത്രത്തിൽവന്നത്. സംശയാസ്​പദമായ ഇത്തരം വാർത്തകൾ പ്രസിദ്ധീകരിക്കുന്നതിനുമുമ്പ് ബന്ധപ്പെട്ടവരിൽനിന്ന് കൃത്യമായ വിവരം തേടേണ്ടതായിരുന്നു.
ഏതുതരം അന്വേഷണത്തിനും അർബുദ പ്രതിരോധ സ​െൻററി​െൻറ വാതിൽ തുറന്നുവെച്ചിരിക്കുകയാണെന്നും ഡോ. ഹുലൂദ് അൽ അലി കൂട്ടിച്ചേർത്തു.