അ​റ​ബ് ഗെ​യിം​സ്; ഫെ​ൻ​സി​ങ്ങി​ൽ കു​വൈ​ത്തി​ന് ര​ണ്ടു സ്വ​ർ​ണം

കു​വൈ​ത്ത് സി​റ്റി: അ​ൽ​ജീ​രി​യ​യി​ൽ ന​ട​ക്കു​ന്ന 15ാമ​ത് അ​റ​ബ് ഗെ​യിം​സി​ൽ ഫെ​ൻ​സി​ങ്ങി​ൽ കു​വൈ​ത്തി​ന് ര​ണ്ടു സ്വ​ർ​ണം. ഐ.​പി ടീം ​ഇ​ന മ​ത്സ​ര​ത്തി​ൽ അ​ബ്ദു​ൽ അ​സീ​സ് അ​ൽ ഷാ​ത്തി, ഹു​സൈ​ൻ അ​ൽ ഫൗ​ദ​രി, അ​ബ്ദു​ൽ റ​ഹ്മാ​ൻ അ​ൽ യാ​ഖൂ​ത്, അ​ലി അ​ൽ നി​കാ​സ് എ​ന്നി​വ​ര​ട​ങ്ങി​യ സം​ഘ​മാ​ണ് രാ​ജ്യ​ത്തി​നാ​യി ആ​ദ്യ സ്വ​ർ​ണം നേ​ടി​യ​ത്. സേ​ബ​ർ ടീം ​മ​ത്സ​ര​ത്തി​ൽ ബ​ന്ദ​ർ അ​ൽ സ​ൽ​മാ​ൻ, മു​ഹ​മ്മ​ദ് അ​ബ്ദു​ൽ ക​രീം, അ​ബ്ദു​ൽ അ​സീ​സ് ഖ​ലീ​ഫ, അ​ലി അ​ബ്ബാ​സ് എ​ന്നി​വ​ര​ട​ങ്ങു​ന്ന സം​ഘ​വും സ്വ​ർ​ണം നേ​ടി.

ഇ​തോ​ടെ ര​ണ്ടു സ്വ​ർ​ണം, നാ​ലു വെ​ള്ളി, അ​ഞ്ചു വെ​ങ്ക​ലം എ​ന്നി​വ​യ​ട​ക്കം കു​വൈ​ത്തി​ന്റെ മൊ​ത്തം മെ​ഡ​ലു​ക​ളു​ടെ എ​ണ്ണം 11 ആ​യി. ക​ഴി​ഞ്ഞ ദി​വ​സം പു​രു​ഷ​ന്മാ​രു​ടെ വ്യ​ക്തി​ഗ​ത ഫെ​ൻ​സി​ങ് മ​ത്സ​ര​ത്തി​ൽ ഹു​സൈ​ൻ അ​ൽ ഫൗ​ദാ​രി വെ​ള്ളി​യും അ​ബ്ദു​ൽ അ​സീ​സ് അ​ൽ ഷാ​ത്തി വെ​ങ്ക​ല മെ​ഡ​ലും നേ​ടി​യി​രു​ന്നു. ഫ്ലൂ​റ​സെ​ന്റ് ടീ​മു​ക​ളു​ടെ മ​ത്സ​ര​ത്തി​ൽ കു​വൈ​ത്ത് ഫെ​ൻ​സി​ങ് ടീം ​വെ​ങ്ക​ല​മെ​ഡ​ലും നേ​ടി. 22 അ​റ​ബ് ലീ​ഗ് രാ​ഷ്ട്ര​ങ്ങ​ൾ പ​​ങ്കെ​ടു​ക്കു​ന്ന അ​റ​ബ് ഗെ​യിം​സ് ശ​നി​യാ​ഴ്ച അ​വ​സാ​നി​ക്കും. ആ​റ് വ്യ​ത്യ​സ്ത കാ​യി​ക ഇ​ന​ങ്ങ​ളി​ലാ​യി കു​വൈ​ത്തി​ൽ​നി​ന്നു​ള്ള 32 പു​രു​ഷ​ന്മാ​രും സ്ത്രീ​ക​ളും അ​ട​ങ്ങു​ന്ന സം​ഘം മ​ത്സ​ര രം​ഗ​ത്തു​ണ്ട്.