ഗാർഹികത്തൊഴിലാളി ഒാഫിസിൽ എംബസി ജീവനക്കാരൻ സഹായത്തിനുണ്ടാകും

കുവൈത്ത്​ സിറ്റി: റുമൈതിയയിലെ ഗാർഹികത്തൊഴിലാളി ഒാഫിസിൽ ഇനി എല്ലാ പ്രവൃത്തി ദിവസങ്ങളിലും ഒരു ഇന്ത്യൻ എംബസി ജീവനക്കാരൻ സഹായത്തിനുണ്ടാകും.

പരാതി നൽകാനും മറ്റ്​ ആവശ്യങ്ങൾക്കുമായി എത്തുന്ന ഇന്ത്യക്കാരെ സഹായിക്കാനാണ്​ ഇത്​. അറബി ഭാഷ കൈകാര്യം ചെയ്യാൻ കഴിയുന്ന എംബസി പ്രതിനിധിക്ക്​ കുവൈത്ത്​ അധികൃതരുമായി ഇടപെടുന്നതിന്​ ഇന്ത്യൻ ഗാർഹികത്തൊഴിലാളികളെ സഹായിക്കാൻ കഴിയും.പ്രവൃത്തിദിവസങ്ങളിൽ രാവിലെ എട്ടുമുതൽ ഉച്ചക്ക്​ ഒന്നുവരെ എംബസി പ്രതിനിധി റുമൈതിയയിൽ ഉണ്ടാകും.965 65501769 എന്ന വാട്​പ്​ആപ്​ നമ്പറിൽ ഇൗ സമയത്ത്​ ബന്ധപ്പെടാൻ കഴിയും.