സ്വകാര്യ സന്ദർശനം കഴിഞ്ഞ് അമീർ തിരിച്ചെത്തി

കുവൈത്ത് സിറ്റി: സ്വകാര്യ സന്ദർശനത്തിനായി ഇറ്റലിയിലേക്ക് പോയ കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് തിരിച്ചെത്തി. കിരീടാവകാശിയും ഡെപ്യൂട്ടി അമീറുമായ ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ്, പാർലമെന്റ് സ്പീക്കർ മർസൂഖ് അൽ ഗാനിം, ശൈഖ് നാസർ അൽ മുഹമ്മദ് അൽ അഹ്മദ് അസ്സബാഹ് മറ്റ് മന്ത്രിമാർ, ഉന്നത ഉദ്യോഗസ്ഥർ തുടങ്ങിയവർ അമീരി വിമാനത്താവളത്തിൽ അദ്ദേഹത്തെ വരവേറ്റു.