ആനന്ദ്​ കപാഡിയയുടെ നിര്യാണത്തിൽ അംബാസഡർ അനുശോചിച്ചു

കുവൈത്ത്​ സിറ്റി: ഇന്ത്യൻ ബിസിനസ് ആൻഡ്​ പ്രഫഷനൽ​ കൗൺസിൽ കുവൈത്ത്​ മുൻ ചെയർമാൻ ആനന്ദ്​ കപാഡിയയുടെ നിര്യാണത്തിൽ കുവൈത്തിലെ ഇന്ത്യൻ അംബാസഡർ സിബി ജോർജ്​ അനുശോചിച്ചു. സാംസ്​കാരിക, സാമ്പത്തിക മേഖലയിൽ ഇന്ത്യയെ പ്രമോട്ട്​ ചെയ്യുന്നതിൽ നിർണായക സംഭാവന അർപ്പിച്ച മഹദ്​ വ്യക്​തിത്വമായിരുന്നു അദ്ദേഹമെന്ന്​ അംബാസഡർ പറഞ്ഞു. വിജയിയായ സംരംഭകൻ എന്ന നിലയിൽ സ്വയം അടയാളപ്പെടുത്തിയ അദ്ദേഹം ഇന്ത്യൻ ബിസിനസ്​ ആൻഡ്​ പ്രഫഷനൽ കൗൺസിൽ മേധാവി എന്ന നിലയിൽ എംബസിയുമായി ചേർന്ന്​ പ്രവർത്തിച്ചു. കോവിഡ്​ പ്രതിസന്ധികാലത്ത്​ ഇന്ത്യൻ സമൂഹത്തിന്​ സേവനം നൽകിയ ഇന്ത്യൻ കമ്യൂണിറ്റി സപ്പോർട്ട്​ ഗ്രൂപ്പിലും അദ്ദേഹം നിർണായക ദൗത്യം നിർവഹിച്ചു.

ഇന്ത്യയിലെ മുൻനിര സാംസ്​കാരിക, കലാ വ്യക്​തിത്വങ്ങളെ കുവൈത്തിലെത്തിക്കുകയും മികച്ച കലാസംസ്​കാരിക പരിപാടികൾ അവതരിപ്പിക്കുകയും ചെയ്​ത സംഘാടകൻ എന്ന നിലയിലും കുവൈത്തിലെ ഇന്ത്യൻ സമൂഹം അദ്ദേഹത്തെ സ്​മരിക്കുന്നു. അദ്ദേഹത്തി​െൻറ വിയോഗത്തിൽ കുടുംബത്തിനും സുഹൃത്തുക്കൾക്കും ഉണ്ടായ വേദനയിൽ കുവൈത്തിലെ ഇന്ത്യൻ സമൂഹവും പങ്കുചേരുന്നതായി സിബി ജോർജ്​ അനുശോചന കുറിപ്പിൽ പറഞ്ഞു. കഴിഞ്ഞ ജനുവരിയിൽ കുവൈത്ത്​ വിട്ട ആനന്ദ്​ കപാഡിയ ഞായറാഴ്​ച കാനഡയിലാണ്​ നിര്യാതനായത്​.

ലത മ​േങ്കഷ്​കർ, പണ്ഡിറ്റ്​ രവിശങ്കർ, ഉസ്​താദ്​ അല്ലാരഖ, പണ്ഡിറ്റ്​ ഹരിപ്രസാദ്​ ചൗരസ്യ, പണ്ഡിറ്റ്​ ശിവ്​കുമാർ ശർമ, ഉസ്​താദ്​ സക്കീർ ഹുസൈൻ, ഉസ്​താദ്​ ശുജാഅത്ത്​ ഖാൻ, ഉസ്​താദ്​ അംജദ്​ അലി ഖാൻ തുടങ്ങി പ്രമുഖരെ കുവൈത്തിലെത്തിച്ച്​ സംഗീത പരിപാടി അവതരിക്കാൻ ആനന്ദ്​ കപാഡിയയുടെ നേതൃത്വത്തിൽ കഴിഞ്ഞിട്ടുണ്ട്​. കുവൈത്തിലെ ബിസിനസ്​ സമൂഹവുമായും ദാർ അൽ അതാർ അൽ ഇസ്​ലാമിയ, കുവൈത്ത്​ നാഷനൽ കൗൺസിൽ ഫോർ കൾച്ചർ ആർട്​സ്​ ആൻഡ്​ ​ലെറ്റേഴ്​സ്​ തുടങ്ങിയ സാംസ്​കാരിക സ്ഥാപനങ്ങളുമായും ഇന്ത്യൻ സമൂഹത്തിന്​ പ്രയോജനപ്പെടുന്ന വിധത്തിൽ മികച്ച ബന്ധം സ്ഥാപിക്കാൻ അദ്ദേഹത്തിന്​ കഴിഞ്ഞു.