എണ്ണ മന്ത്രിയുമായി അംബാസഡർ കൂടിക്കാഴ്ച നടത്തി

കുവൈത്ത് സിറ്റി: ഇന്ത്യൻ അംബാസഡർ പരമിത ത്രിപതി കുവൈത്ത് എണ്ണ മന്ത്രി താരീഖ് സുലൈമാൻ അഹമ്മദ് അൽ റൂമിയുമായി കൂടിക്കാഴ്ച നടത്തി. ഇന്ത്യ-കുവൈത്ത് സഹകരണം ശക്തിപ്പെടുത്തൽ കൂടികാഴ്ചയിൽ ചർച്ചയായി.

ഇന്ത്യ-കുവൈത്ത് ഊർജ്ജ പങ്കാളിത്തം, പര്യവേക്ഷണം, ഉൽപ്പാദനം, ശുദ്ധീകരണം, പെട്രോകെമിക്കൽസ് മുതൽ തന്ത്രപരമായ കരുതൽ ശേഖരം വരെയുള്ള മുഴുവൻ ഹൈഡ്രോകാർബൺ മൂല്യ ശൃംഖലയിലുമുള്ള സഹകരണം ശക്തിപ്പെടുത്തുന്നതിനെക്കുറിച്ചും ചർച്ച ചെയ്തു.