ആലപ്പുഴ സ്വദേശി കുവൈത്തിൽ നിര്യാതനായി

കുവൈത്ത് സിറ്റി: ആലപ്പുഴ ചെങ്ങന്നൂർ പെണ്ണുക്കര സ്വദേശി പുളിപ്പാറമോടിയിൽ കിഴക്കേതിൽ ശരത് ഗോപാൽ (35) കുവൈത്തിൽ നിര്യാതനായി. കടുത്ത പനിയെ തുടർന്ന് കുറച്ചുദിവസങ്ങളായി മുബാറക് ആശുപത്രിയിൽ ചികിത്സയിലായിരുന്നു.

അതിനിടയിൽ സ്ട്രോക് സംഭവിക്കുകയും പിന്നീട് മരണം സംഭവിക്കുകയുമായിരുന്നു. കുവൈത്തിൽ എത്തിയിട്ട് രണ്ട് മാസമേ ആയുള്ളൂ. മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങൾ കല കുവൈത്തിന്റെ നേതൃത്വത്തിൽ നടന്നുവരുന്നു.